بەكسۇلتان نۇرجەكەيەۆ جەتىسۋ وبلىسىنىڭ قۇرمەتتى ازاماتى اتاندى
قازىر جەتىسۋ وبلىسى اكىمدىگىنىڭ قولداۋىمەن جەرگىلىكتى اقىن- جازۋشىلاردىڭ كىتاپتارىن جارىققا شىعارۋ، وڭىردەگى قالامگەرلەرگە ارنايى ستيپەنديا تاعايىنداۋ سياقتى جۇمىستار داستۇرگە اينالدى، دەپ حابارلايدى Kazinform.
اسىرەسە، وبلىس وقىرماندارىنىڭ اعا بۋىن جازۋشىلارعا دەگەن ىقىلاسى ەرەكشە. بۇل قاتاردا بەلگىلى جازۋشى بەكسۇلتان نۇرجەكەيەۆ بار.
ول - مەملەكەتتىك سىيلىقتىڭ يەگەرى، قازاقستاننىڭ حالىق جازۋشىسى. جەتىسۋلىقتار جەرلەس قالامگەرىن ۇنەمى ماقتانىش تۇتادى.
اعا جازۋشىنىڭ قالامىنان تۋعان «كۇتۋمەن كەشكەن عۇمىر»، «ەرلى- زايىپتىلار»، «جاۋ جاعادان العاندا», «ءاي، دۇنيە- اي» سياقتى ءبىرقاتار پروزالىق كىتاپتاى جىل سايىن ەڭ كوپ وقىلعان شىعارمالار تىزىمىندە كوش باستاپ كەلەدى.
ەل قۇرمەتىنە بولەنگەن جازۋشىنى وبلىستىڭ اتقارۋشى بيلىگى دە ەلەپ، ەسكەرىپ، بەكسۇلتان نۇرجەكەيەۆتى «جەتىسۋ وبلىسىنىڭ قۇرمەتتى ازاماتى» اتاعىنا لايىقتى دەپ تاپقان بولاتىن.
كەشە تالدىقورعاندا حالىق جازۋشىسىنا «جەتىسۋ وبلىسىنىڭ قۇرمەتتى ازاماتى» اتاعى بەرىلدى. قالامگەرگە ماراپاتتى ءوڭىر اكىمى بەيبىت يسابايەۆ تاپسىردى.
وبلىس اكىمى جازۋشىنىڭ شىعارمالارىن بىرنەشە بۋىن ۇرپاق وقىپ وسكەنىن، سونىڭ ىشىندە ءوزى دە بالا كۇنىنەن قالامگەردى تۋىندىلارى ارقىلى تانىعانىن اتاپ ءوتتى.
بەيبىت يسابايەۆ جازۋشىنىڭ شىعارماشىلىق ەڭبەگىنە تابىس تىلەپ، ارنايى اتاقتىڭ لەنتاسىن، توسبەلگىسى مەن قۇجاتىن رەسمي تۇردە تابىستادى.
«تۋعان جەرىمنىڭ بۇل سىيى - ماعان بارىنەن قىمبات. جەتىسۋدىڭ مەن ءۇشىن ورنى قاي كەزدە دە بولەك. وسى وتىرعان ءارقايسىلارىڭىز ءۇشىن دە سولاي بولۋى ءتيىس. بۇگىنگى ماعان كورسەتىپ وتىرعان قۇرمەتتەرىڭىزگە ريزاشىلىعىمدى بىلدىرەمىن»، - دەدى بەكسۇلتان نۇرجەكەيەۆ.
اۆتور
جانات قاپالبايەۆا
