«ەڭبەك سىڭىرگەن گەولوگ» ناگراداسىنا مەملەكەتتىك مارتەبە بەرىلمەك

- گەولوگ ماماندىعىن دارىپتەۋ بويىنشا جۇمىستار بەلسەندى اتقارىلىپ جاتىر. «ەڭبەك سىڭىرگەن گەولوگ» ۆەدومستۆولىق ناگراداسىن مەملەكەتتىك ناگرادا مارتەبەسىنە كوتەرۋ جوسپارلانعان. بۇگىنگى كۇنى زاڭنامالىق تۇزەتۋلەر پىسىقتالۋدا، - دەدى مينيستر.

قانات شارلاپايەۆتىڭ دەرەگىنشە، گەولوگيا ماماندىعى بويىنشا تۇلەكتەر سانىنىڭ ءوسۋى بايقالادى. 2022 -جىلى تەك 1224 تۇلەك بىتىرسە، 2024 -جىلى ءۇش مىڭنان استام مامان ءبىتىردى.

- بۇل رەتتە، ساتبايەۆ ۋنيۆەرسيتەتىنىڭ دەرەكتەرى بويىنشا- ، تۇلەكتەردىڭ 98 پايىزى ماماندىق بويىنشا جۇمىسقا ورنالاسقانىن اتاپ وتكەن ءجون. سونىمەن بىرگە، وقۋشىلاردى گەولوگيا سالاسىنا باۋلۋ ماقساتىندا «جاس گەولوگ» قوعامدىق قورى قۇرىلعان. بۇل قور ۇيىمداستىراتىن «جاس گەولوگ» وليمپياداسىنا جىل سايىن 5 ەل وقۋشىلارى قاتىسادى. جۇمىس ناتيجەلەرىنىڭ ءبىرى رەتىندە قازاقستاندىق وقۋشىلاردىڭ حالىقارالىق گەولوگتار وليمپياداسىندا جۇلدەلى ورىندار يەلەندى. وسىلايشا، سالاداعى ادام كاپيتالىن دامىتۋ بويىنشا جۇيەلى جۇمىستار جۇرگىزىلىپ جاتىر، - دەدى ول.

اۆتور
مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى