Bek Air اۋە كومپانياسى ۇشاعىنىڭ اپاتقا ۇشىراۋىن تەرگەۋ قايتا باستالادى
استانا. قازاقپارات - Bek Air اۋە كومپانياسى ۇشاعىنىڭ اپاتقا ۇشىراۋىن تەرگەۋ قايتا باستالادى. بۇل تۋرالى كولىك ءمينيسترى مارات قارابايەۆ ايتتى.
- تەرگەۋ اياقتالدى. ءبىراق، قازىرگى ۋاقىتتا اۋە كومپانياسىنىڭ ءبىر قىزمەتكەرىنىڭ ءوتىنىشى بار. وعان سايكەس، پروتسەدۋرالىق تۇرعىندا تەرگەۋدى قايتا باستاۋ ماسەلەسى قاراستىرىلادى، - دەدى مينيستر ماجىلىستەگى ەلدىڭ كولىك-لوگيستيكالىق الەۋەتىن دامىتۋعا ارنالعان ۇكىمەت ساعاتىنان كەيىنگى بريفينگتە.
ايتا كەتەيىك، وسى جىلدىڭ ساۋىرىندە كولىكتەگى پوليتسيا دەپارتامەنتى پروتسەسس پروكۋرورمەن كەلىسە وتىرىپ، الماتى اۋەجايىندا 2019 -جىلدىڭ 27-جەلتوقسانىندا بولعان Bek Air كومپانياسى «Fokker-100» ۇشاعىنىڭ اپاتقا ۇشىراۋ فاكتىسى تۋرالى قىلمىستىق ءىس بويىنشا تەرگەۋ ارەكەتتەرىنىڭ اياقتالعانىن حابارلاعان ەدى.
ەسكە سالا كەتسەك، 2019 -جىلدىڭ 27-جەلتوقسانىندا الماتىدان نۇر- سۇلتان قالاسىنا ۇشىپ شىققان Bek Air كومپانياسىنىڭ ۇشاعى راداردان جوعالىپ كەتتى.
كەيىن 95 جولاۋشىسى جانە 5 ەكيپاج مۇشەسى بار ۇشاقتىڭ اپاتقا ۇشىراعانى ءمالىم بولدى.
ۇشاق جەرگە قۇلاعان سوڭ سىرعاناپ بارىپ اۋەجاي اۋماعىنا جاقىن تۇستاعى اۋىل شەتىندەگى ەكى قاباتتى ۇيگە سوعىلعان. سالدارىنان 12 ادام قازا تاپتى. وسىدان كەيىن Bek Air اۋە كومپانياسىنا تيەسىلى توعىز Fokker-100 ۇشاعىنىڭ قىزمەتى توقتاتىلدى.
«Bek Air» ۇشاعىنىڭ اپاتقا ۇشىراۋىنا قاتىستى قىلمىستىق ءىس بويىنشا تەرگەۋ اياقتالعانىن جازعان بولاتىنبىز.
مارلان جيەمباي
اۆتور
