Beeline ينتەرنەت باعاسىن قولدان كوتەرگەن - اگەنتتىك

- باسەكەلەستىكتى قورعاۋ سالاسىنداعى زاڭنامانى بۇزۋ فاكتىلەرى بويىنشا تالداۋ جۇرگىزىلدى. ونىڭ ناتيجەسىندە «كار- تەل» ج ش س (Beeline) تاراپىنان ءۇي ينتەرنەتى قىزمەتىندە ۇستەم جاعدايدى تەرىس پايدالانۋ بەلگىلەرى انىقتالدى، بۇل تۇتىنۋشىلاردىڭ زاڭدى قۇقىعىنىڭ شەكتەلۋىنە اكەلدى. تالداۋ ناتيجەلەرى كورسەتكەندەي، Beeline تۇتىنۋشىلارعا ءۇي ينتەرنەتىنىڭ جىلدامدىعىن تاڭداۋ مۇمكىندىگىن شەكتەپ، 100 مبيت/س- تان جوعارى جىلدامدىقتاعى ينتەرنەتتى ۇسىنعان. بۇل ءوز كەزەگىندە باعانى جاساندى تۇردە قىمباتتاۋىنا جانە تۇتىنۋشىلار قۇقىعىنىڭ بۇزىلۋىنا الىپ كەلدى، - دەلىنگەن حابارلامادا.

Beeline كومپانياسىنىڭ رەسمي سايتىندا جاريالانعان اقپاراتقا سايكەس، 300 مبيت/س-قا دەيىنگى جىلدامدىقتاعى ينتەرنەت تەك GPON تەحنولوگياسى بار ۇيلەردە عانا قولجەتىمدى. ال باسقا ۇيلەردە ەڭ جوعارى جىلدامدىق 100 مبيت/س- تى قۇرايدى، ءبىراق تاريف باعاسى بارلىق ابونەنت ءۇشىن بىردەي.

- 2024 -جىلى 19-قاراشادا Beeline كومپانياسىنا باسەكەلەستىكتى قورعاۋ سالاسىنداعى زاڭناما تالاپتارىن بۇزۋدى جويۋ جونىندە حابارلاما جىبەرىلدى، - دەيدى ەلوردالىق دەپارتامەنتتەن.

كومپانياعا تۇتىنۋشىلاردىڭ ءتاريفتى تاڭداۋداعى قۇقىعىن قامتاماسىز ەتۋ بويىنشا كەلەسى شارالاردى قابىلداۋ تاپسىرىلدى:

- ەگەر تۇتىنۋشى جوعارى جىلدامدىقتاعى ينتەرنەتتى پايدالانعىسى كەلمەسە، جىلدامدىعى 100 مبيت/س-تان اسپايتىن ينتەرنەتپەن قامتۋ؛
- 100 س/مبيت-تان اسپايتىن ينتەرنەتكە قوسۋ قىزمەتىن قوسىمشا اقىسىز جۇزەگە اسىرۋ.

- قازىر ۇسىنىمدار تولىق ورىندالدى. 2025 -جىلعى 15- قاڭتاردان باستاپ تۇتىنۋشىلارعا 100 مبيت/س-قا دەيىنگى تاريفتىك جوسپارلار ۇسىنىلا باستادى جانە ولاردىڭ باعاسى 500 تەڭگەگە ارزاندادى، - دەلىنگەن اقپاراتتا.

بۇعان دەيىن ەلىمىزدەگى ۇيالى بايلانىس وپەراتورلارىنىڭ تاريفتى نەگىزسىز كوتەرۋ ارەكەتتەرى قارالىپ جاتقانى تۋرالى حابارلاعان ەدىك.

باسەكەلەستىكتى قورعاۋ جانە دامىتۋ اگەنتتىگى ۇيالى بايلانىس وپەراتورلاردىڭ تاريف باعاسىن نەگىزسىز كوتەرۋ فاكتىلەرىن انىقتاعان جاعدايدا تەرگەۋ ءراسىمى تاعايىندالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى