بۇدان بىلاي وڭىرلەردە «ءبىرتۇتاس تاربيە» باعدارلاماسىنىڭ جاتتىقتىرۋشىلارى جۇمىس ىستەيدى

وڭىرلىك ءبىلىم باسقارمالارى مەن ادىستەمەلىك كابينەتتەر باسشىلارىنىڭ ورىنباسارلارىنا ارنالعان وقۋدى ى. التىنسارين اتىنداعى ۇلتتىق ءبىلىم بەرۋ اكادەمياسى جانە «وركەن» بالالاردىڭ ءال-اۋقاتىن ارتتىرۋ ۇلتتىق عىلىمي- پراكتيكالىق ينستيتۋتى ۇيىمداستىردى.

2023-2024 وقۋ جىلىندا «ءبىرتۇتاس تاربيە» باعدارلاماسى العاش رەت ەنگىزىلدى. باعدارلامانى جۇزەگە اسىرۋ اياسىندا مەكتەپتەردە اتا- انالاردى پەداگوگيكالىق قولداۋ ورتالىقتارى، «مەنىڭ باۋىرىم» ۆولونتەرلەر قوزعالىسى قۇرىلىپ، «دوسبولlike» - «دوستىق قولىڭدى سوز» ناۋقانى باستاۋ الدى.

ءبىلىم بەرۋ مەكەمەلەرىندە 2,4 ميلليون ستۋدەنتتىڭ قاتىسۋىمەن 22 ءتۇرلى الەۋمەتتىك جوبا جۇزەگە اسىرىلدى. بيىلعى وقۋ جىلىندا بۇل باستامالار جاڭا فورماتتا جالعاساتىن بولادى.

سەمينار بارىسىندا «سيفرلىق قوعام: ۇلتتىڭ قۇندىلىقتارى مەن ساپاسى نەگىزىندە تاربيەلەۋ»، «ءبىرتۇتاس تاربيە» باعدارلاماسى: زەرتتەۋلەر مەن ىسكە اسىرۋ تەتىكتەرى»، «سيفرلىق قوعام جاعدايىندا بالالاردىڭ قاۋىپسىزدىگىن قامتاماسىز ەتۋ جانە ومىرشەڭدىگىن دامىتۋ فاكتورلارى»، «وقۋشىلاردىڭ ۇلتتىق تاربيەسىنىڭ ەرەكشەلىكتەرىن انىقتاۋ جانە جەتىلدىرۋ جولدارى» تاقىرىپتارىندا پراكتيكالىق شەبەرلىك ساباقتار ۇيىمداستىرىلدى.

«ءبىرتۇتاس تاربيە» باعدارلاماسىنىڭ قازىرگى ءبىلىم بەرۋ جۇيەسى ءۇشىن وزەكتىلىگى مەن ماڭىزدىلىعى جوعارى. باعدارلاما قازىرگى الەمنىڭ سىن-قاتەرلەرىنە دايىن جانە ءوز ەلىنىڭ دامۋىنا ەلەۋلى ۇلەس قوسا الاتىن ازاماتتاردىڭ جاڭا بۋىنىن قالىپتاستىرۋعا باعىتتالعان. سونداي- اق مەملەكەت باسشىسى اتاپ كورسەتكەن ءادىل قوعام قۇرۋعا، جاۋاپتى تۇلعا قالىپتاستىرۋعا جانە پروگرەسسيۆتى ۇلتتى دامىتۋعا باعىتتالعان جاڭعىرتۋ باستامالارىنا سايكەس كەلەدى»، - دەدى وقۋ-اعارتۋ ۆيتسە- ءمينيسترى ەدىل وسپان.

ايتا كەتۋ كەرەك، رەسپۋبليكالىق سەمينار «ءبىرتۇتاس تاربيە» باعدارلاماسى اياسىندا وقۋ-تاربيە پروتسەسىنىڭ ساپاسىن جاقسارتۋعا ىقپال ەتىپ قانا قويماي، پەداگوگتەر اراسىندا ءبىلىم مەن تاجىريبە الماسۋدىڭ ءتيىمدى الاڭىنا اينالدى. سەمينار سوڭىندا بارلىق قاتىسۋشىلارعا وڭىرلەردەگى تاربيە باعدارلاماسىن ءتۇسىندىرۋ بويىنشا جاتتىقتىرۋشى رەتىندە ءدارىس بەرۋگە رۇقسات بەرەتىن سەرتيفيكاتتار تابىستالدى.

اۆتور

اسحات رايقۇل

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى