بايقوڭىردا قازاق ءتىلدى بالاباقشا اشىلىپ، مەكتەپ سالىنادى

«بايقوڭىردا قازاق مەكتەبى وسىدان 4-5 جىل بۇرىن سالىنىپ، پايدالانۋعا بەرىلگەن. اۋرۋحانا دا سالىندى. ول وبلىستىق دەنساۋلىق ساقتاۋ باسقارماسىنا، ال مەكتەپ قارماقشى اۋدانىنا قارايدى. قالادا ينفراقۇرىلىم توزعان. سول ءۇشىن ۇكىمەتپەن بىرلەسىپ، كارىز جۇيەسىن جاڭارتىپ جاتىرمىز. تۋريستەر كوپ كەلەدى. سولارعا جاعداي جاساۋ ماقساتىدا ينۆەستورلاردى اپارىپ، قوناقۇي سالۋدامىز. قالا اكىمشىلىگىمەن بىرلەسىپ جۇمىس ىستەيمىز. ول 2-3 ايدا ماعان كەلىپ، قالاداعى جاعدايدى باياندايدى. ءوزىم دە بارىپ تۇرامىن»، - دەدى نۇرلىبەك نالىبايەۆ.

سونىمەن قاتار ول تاياۋدا وتكەن رەسپۋبليكا كۇنى اياسىندا بايقوڭىر قالاسىنىڭ كوشەلەرىنە مانشۇك مامەتوۆانىڭ، باۋىرجان مومىش ۇلىنىڭ اتى بەرىلگەنىن اتاپ ءوتتى.

«قالادا رەسەيدىڭ مەنشىگى بولىپ كەلگەن، جاعدايى ناشار بىرنەشە بالاباقشا بار ەدى. ولاردى دا مەملەكەتتىك مەنشىككە قابىلداپ جاتىرمىز. كۇردەلى جوندەۋدەن وتكىزىپ، قازاق ءتىلدى بالاباقشالاردى اشامىز. مەملەكەت باسشىسىنىڭ قولداۋىمەن وڭىردە جالپى قۇنى 98 ميلليارات تەڭگەنى قۇرايتىن 21 جايلى مەكتەپتىڭ قۇرىلىسى باستالدى. بىرەۋىن بايقوڭىردان سالايىن دەپ جاتىرمىز. قازاق تىلىندە بولادى. ول قالادا ءبىزدىڭ ازاماتتارىمىز كوپ. قالادا 600 بالاعا ارنالعان قازاقتىلدى مەكتەپ جۇمىس ىستەپ تۇر. قازاقشا دا، ورىسشا دا ءبىلىم الۋعا ەشقانداي كەدەرگى جوق»، - دەدى نۇرلىبەك نالىبايەۆ.

ءوڭىر باسشىسىنىڭ ايتۋىنشا، بايقوڭىر قالاسىنا كىرىپ- شىعۋ دا جەڭىلدەتىلگەن.

«بۇرىن قالاعا كىرىپ- شىعۋدىڭ ءوزى قيىن ەدى. الدىن الا رۇقسات الۋ قاجەت بولاتىن. قازىر ونداي كەدەرگى جوق. كەدەرگىلەردى الىپ تاستاعانىمىزعا 3-4 اي بولدى»، - دەدى وبلىس اكىمى.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى