بايدەن ترامپتىڭ يناۋگۋراتسياسىنا قاتىساتىنىن مالىمدەدى

«مەن، ارينە، قاتىسامىن... يناۋگۋراتسياعا قاتىسپاعان جالعىز پرەزيدەنت - بۇل قىزمەتكە جاڭادان كەلەتىن ادام (ترامپ)»، - دەدى بايدەن 19-جەلتوقساندا بەرگەن سۇحباتىندا.

ول سونداي-اق، ترامپتىڭ 2021-جىلى ءوزىنىڭ يناۋگۋراتسياسىنا قاتىسپاعانىن ەسكە سالىپ، مۇنى «بالالىق ارەكەت» دەپ اتادى.

بايدەن سوزىندە: «ءبىزدىڭ دەموكراتيالىق ءتارتىبىمىزدى قۇرمەتتەمەۋى ونىڭ ماسەلەسى. مەنىڭ مىندەتىم - بيلىكتىڭ بەيبىت تۇردە ءوتۋىن قامتاماسىز ەتۋ»، - دەدى.

ەسكە سالا كەتەيىك، 2021-جىلى ترامپ 150 جىلدىق ءداستۇردى بۇزىپ، بايدەننىڭ يناۋگۋراتسياسىنا قاتىسۋدان باس تارتقان بولاتىن. بۇل قادام بيلىكتىڭ ءوتۋ كەزەڭىن قيىنداتتى.

الايدا، 2024-جىلعى سايلاۋدان كەيىن بايدەن ترامپتى اق ۇيدە قابىلداپ، بۇل كەزدەسۋدىڭ «جىلى شىرايلى» وتكەنىن مالىمدەگەن.

وسىعان دەيىن بايدەننىڭ انگولاعا بارعان ا ق ش- تىڭ العاشقى پرەزيدەنتى رەتىندە تاريحقا ەنگەنىن جازدىق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى