بايدەن پرەزيدەنتتىك سايلاۋدا مەرزىمىنەن بۇرىن داۋىس بەرەدى
استانا. KAZINFORM – ا ق ش پرەزيدەنتى دجو بايدەن دۇيسەنبى كۇنى وتەتىن پرەزيدەنتتىك سايلاۋدا مەرزىمىنەن بۇرىن داۋىس بەرەدى.
«بۇگىن تاڭەرتەڭ پرەزيدەنت 2024 -جىلعى جالپى سايلاۋدا مەرزىمىنەن بۇرىن داۋىس بەرەدى»، - دەلىنگەن اق ءۇيدىڭ جاريالاعان ا ق ش پرەزيدەنتى دجو بايدەننىڭ كەستەسىندە.
كوپتەگەن امەريكاندىقتار 5-قاراشاداعى سايلاۋ كۇنىنە دەيىن داۋىس بەرە الادى.
بايدەن بۇعان دەيىن سايلاۋعا قاتىسۋدان باس تارتتى. ونىڭ ورنىنا دەموكراتيالىق پارتيا اتىنان كانديدات ۆيتسە-پرەزيدەنت كامالا حارريس بولدى. رەسپۋبليكالىق پارتيانىڭ كانديداتى - بۇرىنعى پرەزيدەنت دونالد ترامپ.
The Wall Street Journal باسىلىمىنىڭ حابارلاۋىنشا، پرەزيدەنتتىك سايلاۋعا رەسپۋبليكالىق پارتيادان ۇمىتكەر دونالد ترامپ سايلاۋعا ەكى اپتادان از ۋاقىت قالعاندا، ۆيتسە- پرەزيدەنت كامالا حارريستى از عانا ارتىقشىلىقپەن وزىپ كەلەدى -%47 عا قارسى %45.
بۇعان دەيىن جازعانىمىزداي، ا ق ش- تىڭ بۇرىنعى پرەزيدەنتى، رەسپۋبليكالىق پارتيادان ا ق ش پرەزيدەنتتىگىنە ۇمىتكەر دونالد ترامپ پرەزيدەنتتىك سايلاۋدا جەڭىسكە جەتكەن جاعدايدا قازىرگى امەريكالىق كوشباسشى دجو بايدەننىڭ ۇلى حانتەر بايدەنگە راقىمشىلىق جاساۋدان باس تارتپايتىنىن ايتقان.
