بايدەن اسكەري قىزمەتشىلەردىڭ جالاقىسىن كوتەرۋ تۋرالى زاڭعا قول قويدى

ا ق ش پرەزيدەنتى «اسكەري قىزمەتشىلەردىڭ جالاقىسىن كوتەرۋ جانە 2025 قارجى جىلىنىڭ ۇلتتىق قورعانىسىنا رۇقسات ەتۋ تۋرالى» زاڭعا قول قويدى (H. R. 5009 زاڭى) . اتالعان زاڭ قورعانىس، ەنەرگەتيكا، ۇلتتىق قاۋىپسىزدىكتى باعدارلامالاۋ، مەملەكەتتىك دەپارتامەنت پەن ىشكى قاۋىپسىزدىك مينيسترلىگى جانە بارلاۋ قوعامداستىعىنا قارجى ءبولۋدى سانكتسيالايدى.

زاڭعا سايكەس، «ە-1» — «ە-4» (قىزمەت ەتۋى ءتيىس ۋاقىتى جەتكەندە بىردەن بەرىلەدى) رانگىندەگى اسكەري قىزمەتشىلەرگە بولەنەتىن قارجى %14,5 وسەدى. اتالعان شەشىمگە ەكى پارتيانىڭ دا زاڭ شىعارۋشىلارى داۋىس بەردى. سەبەبى ەكىپارتيالىق كوميسسيا جوعارىداعى ساناتتاعى اسكەري قىزمەتشىلەر ءبىرىنشى كەزەكتە قاجەتتى دۇنيەلەردى ازەر الادى، ال ولاردىڭ قارجىسى جەكە سەكتورداعى جالاقى مەن ينفلياتسياعا جەتە المايدى دەپ شەشكەن.

وزگە اسكەري قىزمەتشىلەردىڭ جالاقىسى جىلداعىداي %4,5 كوتەرىلسە، تومەنگى قۇرامداعى اسكەري قىزمەتشلەردىكى 2025 -جىلدىڭ ساۋىرىنەن باستاپ %10 وسەدى.

رەسپۋبليكاشىل وكىلدەر پالاتاسى ترانسگەندەر اسكەري قىزمەتشىلەردىڭ بالالارىنىڭ دەنساۋلىعىنا بولىنەتىن قارجىنىڭ ءبىر بولىگىن جابۋعا مۇمكىندىك بەرەتىن Tricare گە (ا ق ش قورعانىس مينيسترلىگىنىڭ دەنساۋلىق ساقتاۋ باعدارلاماسى) تىيىم سالاتىن ەرەجەنى ءساتتى ەنگىزدى.

دجو بايدەن زاڭ جوباسىنا قول قويىلعان سوڭ اق ءۇي جاريالاعان مالىمدەمەدە Tricare مەن بايلانىستى شەكتەۋلەرمەن تۇبەگەيلى كەلىسپەيتىنىن جەتكىزدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى