باياناۋىلدا اتاعى ءدۇيىم ەلگە تانىلعان قۇسبەگى ءماۋيا ابىكەي ۇلىنىڭ اتىنا كابينەت اشىلدى
پاۆلودار. KAZINFORM - ءماۋيا ابىكەيەۆ (1900-1985) زامانىندا ك س ر و تۇتىنۋشىلار قوعامى ورتالىق وداعىنىڭ قاۋلىسىمەن «اڭشىلىق ءىسىنىڭ ۇزدىگى» اتانعان.
ماسكەۋدە وتكەن حالىق شارۋاشىلىعى جەتىستىكتەرىنىڭ كورمەسىندە التىن مەدالمەن ماراپاتتالعان.
ول بۇركىتشىلىك پەن تازى ءيت اسىراۋدىڭ حاس شەبەرى بولعان. قازاقتىڭ ۇشتەن ءبىرى قىرىلعان وتىز ەكىنىڭ اشتىعىندا ءوزى سياقتى اڭشىلارمەن تىزە قوسىپ، التايدان تاۋتەكە، بۇلان، ەلىك اتىپ اكەلىپ، تۇتاس اۋىلداردىڭ اشتىقتان امان قالۋىنا سەپ بولعان. ءتۇز جانۋارلارىنىڭ ەتى ءبىر شەتى قاراعاندى، ءبىر شەتى قازىرگى ەكىباستۇزدىڭ اۋماعىنداعى اشىققان ەلگە تاراتىلعان.
كەڭەس وكىمەتى جىلدارى كاسىبي اڭشى بولىپ ەڭبەك ەتىپ، بەكىتىلگەن جوسپاردى ەسەلەپ ورىنداپ وتىرعان. بۇل ەڭبەگى ءۇشىن «اڭشىلىق ءىسىنىڭ ۇزدىگى» بەلگىسىمەن، ماسكەۋدە وتكەن حالىق شارۋاشىلىعى جەتىستىكتەرىنىڭ كورمەسىندە (1972 -جىلى) التىن مەدالمەن ماراپاتتالعان. سونداي- اق چەحوسلوۆاكيادا وتكەن اڭشىلاردىڭ دۇنيەجۇزىلىك فورۋمىنا قاتىسىپ، قازاق بۇركىت سالۋ ونەرى جايىندا ءدارىس وقىعان.
شاكەن ايمانوۆ تۇسىرگەن «نايزاتاس باۋرايىندا» فيلمىندە قارت بۇركىتشىنىڭ بەينەسىن سومداعان.
ءماۋيا قۇسبەگىنىڭ ەسىمىن ارداقتاۋ ماقساتىندا باياناۋىلدا جىل سايىن بۇركىتشىلەردىڭ رەسپۋبليكالىق سلەتى وتەدى. اۋدان ورتالىعىندا تۇلعاعا ارناپ ەسكەرتكىش ورناتىلعان.
24-اقپان كۇنى باياناۋىل اۋدانى ورتالىعىنداعى شاپىق شوكين مەكتەبىندە تانىمال تۇلعانىڭ اتىنا كابينەت اشىلدى. بۇگىندە اتالعان اۋداندا بۇركىتشىلىك، اڭشىلىق ونەرى كەڭىنەن دامىعان.
