باتىس تۇرىك قاعاناتى حالقى دا توعىزقۇمالاق ويناعان با
استانا. قازاقپارات - جامبىل وبلىسىنداعى قىزىلتاڭ ەلدىمەكەنى ماڭىنان ەرتە تۇركى داۋىرىنە ءتان، ياعني VI- VII عاسىردىڭ توعىزقۇمالاق تاقتاسى تابىلدى، دەپ حابارلايدى Almaty.tv.
تاريحي-مادەني ەسكەرتكىشتىڭ ەرەكشەلىگى - جايپاق تاسقا ويىلىپ سالىنۋىندا. جادىگەردىڭ ۇزىندىعى 2,8 مەتر بولسا، ەنى 1,4 مەتر. بۇگىندە كونە تاس مەملەكەت قورعاۋىنا الىنعان. ارحەولوگتاردىڭ ايتۋىنشا وسىعان ۇقساس ويىن تاسى بۇعان دەيىن قاراتاۋ جوتاسىنان تابىلعان. سوندىقتان عالىمدار «توعىزقۇمالاق - باتىس تۇرىك قاعاناتىنىڭ قۇرامىنا كىرگەن بارلىق حالىقتىڭ سۇيىكتى ويىنى بولعان» دەگەن شەشىمگە كەلىپ وتىر.
«قاراتاۋ تاۋ جوتاسىنا ءتان سارىسۋ اۋدانى، قاراتاۋدان بولسىن، ودان كەيىنگى مويىنقۇم مەن شۋ اۋداندارىنداعى حانتاۋدىڭ ىشىنەن دە ءدال وسى سياقتى ويىنداردىڭ كەزدەسەتىندىگىنە سەنەمىز. زەردەلەۋ زەرتتەۋ ماسەلەسى جاعىنان الداعى ۋاقىتتا تۇرىك عالىمدارىمەن بايلانىس ورناتۋدى جوسپارلاپ وتىرمىز»، - دەدى تاريحشى-ارحەولوگ ساۋران قاليەۆ.
