باتىس قازاقستاندا زاڭسىز ەلىك اۋلاعان ءتورت ادام ۇستالدى

ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، وقيعا 2-قاراشا كۇنى ءبورلى اۋدانى اۋماعىندا بولدى.

«ءبورلى اۋدانى پوليتسيا ءبولىمىنىڭ قىزمەتكەرلەرى كەشكى ساعات 20.20 دا ۋتۆينكا اۋىلىنان 500 مەتر قاشىقتىقتا «Toyota Hilux» اۆتوكولىگىن توقتاتتى. تەكسەرۋ بارىسىندا اۆتوكولىكتىڭ سالونىنان 2 قاپ ەلىكتىڭ ەتى، تەگىس ۇڭعىلى قوساۋىز مىلتىق جانە وق- دارىلەر تابىلىپ، تاركىلەندى. قوسىمشا تەكسەرۋ بارىسىندا اتالعان اۋىلدىڭ باتىس باعىتىندا جانۋاردىڭ 2 ۇشاسى، 2 تەرى جانە 7 اياعى تابىلىپ، تاركىلەندى. اتالعان دەرەك بويىنشا ءتيىستى ساراپتامالار تاعايىندالدى. قولعا تۇسكەن 23، 40، 37 جانە 46 جاستاعى تۇرعىندار بۇل ارەكەتىن اڭ اۋلاۋعا شىققانىمەن ءتۇسىندىردى. اتالعان دەرەك ق ر ق ك- ءنىڭ 337-بابى 1-بولىگىنە (زاڭسىز اڭشىلىق) سايكەس سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىنە تىركەلدى»، - دەپ حابارلادى ۆەدومستۆودان.

ەسكە سالا كەتەيىك، بۇدان بۇرىن ب ق و- دا جايىق وزەنى جاعاسىنان 56 جاستاعى ەر ادامنىڭ دەنەسى تابىلعانىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى