باتىس قازاقستاندا رەسەيمەن شەكارادا كولىك كەپتەلىسى بولۋى مۇمكىن

ق ر ۇ ق ك ب ق و بويىنشا شەكارا قىزمەتى دەپارتامەنتىنىڭ مالىمەتىنە سايكەس بيىلعى 1-جەلتوقساننان 2026 -جىلدىڭ -ماۋسىمىنا دەيىن «ماشتاكوۆ» (ر ف) اۆتوموبيل وتكىزۋ بەكەتىندە جاڭا ەرەجەلەر مەن شەتەلدىك ازاماتتار مەن ازاماتتىعى جوق تۇلعالاردىڭ رەسەي فەدەراتسياسىنا كىرۋى جانە شىعۋى شارتتارىن اپروباتسيالاۋ بويىنشا ەكسپەريمەنت جۇرگىزىلەدى.

ەكسپەريمەنتتىڭ ماقساتى - رەسەي فەدەراتسياسىنىڭ مەملەكەتتىك شەكاراسىن كەسىپ وتەتىن كەزدە بيومەتريالىق دەرەكتەردى جيناۋ (بەتىنىڭ فوتوسۋرەتى مەن ساۋساق ءىزى).

ەكسپەريمەنتكە مىنالار كىرمەيدى:

1. بەلارۋس رەسپۋبليكاسىنىڭ ازاماتتارى.

2. شەت مەملەكەتتەردىڭ ديپلوماتتارى مەن كونسۋلدىق مەكەمەلەرىنىڭ قىزمەتكەرلەرى، سونداي-اق ولاردىڭ وتباسى مۇشەلەرى.

3. رەسەي فەدەراتسياسىندا بولۋ ءۇشىن ارنايى شارتتارى بار حالىقارالىق ۇيىمداردىڭ لاۋازىمدى تۇلعالارى.

4. ديپلوماتيالىق جانە قىزمەتتىك پاسپورتتاردىڭ يەلەرى.

5. 6 جاسقا دەيىنگى بالالار.

ب ق و مەملەكەتتىك كىرىستەر دەپارتامەنتىنەن ءمالىم ەتكەنىندەي، اتالعان ەكسپەريمەنتتىڭ جۇرگىزىلۋىنە بايلانىستى «سىرىم» اۆتوموبيل وتكىزۋ بەكەتى ارقىلى جەڭىل جانە جۇك كولىكتەرىنىڭ قوزعالىسىنا ۋاقىتشا كەدەرگى كەلتىرىلەتىن بولادى.

- بۇل «سىرىم» جانە «ماشتاكوۆ» بەكەتتەرىنىڭ وتكىزۋ قابىلەتتىلىگىن ايتارلىقتاي تومەندەتەدى. سول سەبەپتى مەملەكەتتىك شەكارانى كەسىپ ءوتۋدى جوسپارلاپ وتىرعان بارلىق ازاماتتاردى «اقساي»، «شاعان» جانە «تاسقالا» اۆتوموبيل وتكىزۋ بەكەتتەرى ارقىلى بالامالى قوزعالىس باعىتتارىن پايدالانۋعا شاقىرامىز، - دەپ حابارلادى ۆەدومستۆودان.

«سىرىم» بەكەتىندە جۇك كولىكتەرىنىڭ كەپتەلىستەرى وسىعان دەيىن دە بولىپ كەلگەنى بەلگىلى.

ەسكە سالا كەتەيىك، بۇدان بۇرىن ب ق و- دا رەسەيمەن شەكارادا جۇك كولىكتەرىنىڭ كەپتەلىسى تۋىنداعانىن جازعان بولاتىنبىز.

اۆتور

عايساعالي سەيتاق

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى