باتىس قازاقستاندا قىزىلشامەن مەكتەپ وقۋشىلارى دا اۋىرىپ جاتىر

ب ق و سانيتاريالىق- ەپيدەميولوگيالىق باقىلاۋ دەپارتامەنتىنىڭ باسشىسى مۇحامعالي ارىسپايەۆتىڭ وڭىرلىك كوممۋنيكاتسيالار قىزمەتى الاڭىندا ءمالىم ەتكەنىندەي، وبلىستا قىزىلشا دەرەكتەرىنىڭ كوبەيۋى بايقالادى. سوڭعى ءۇش- ءتورت جىلدى العاندا، 2019 -جىلى 122 دەرەك تىركەلگەن بولاتىن.

ونىڭ سوزىنە قاراعاندا، اۋرۋ كوبىنە قىزىلشاعا قارسى ەكپە الماعان بالالار اراسىندا كەزدەسىپ وتىر. مۇنىڭ سەبەبى - اتا- انالاردىڭ ۆاكتسينادان باس تارتۋى، دەنساۋلىعىنا بايلانىستى مەديتسينالىق قارسى كورسەتكىشتەردىڭ بولۋى جانە بالانىڭ ەگۋ جاسىنا جەتپەگەنى ء(بىر جاسقا دەيىنگىلەر).

قىزىلشامەن اۋىرعانداردىڭ 43,6 پايىزى - ۇيىمداستىرىلعان توپتاعىلار، 4,2 پايىزى - مەكتەپكە دەيىنگى ۇيىمداعى بۇلدىرشىندەر، 16,9 پايىزى - مەكتەپ وقۋشىلارى، 1,4 پايىزى - ستۋدەنتتەر، 33,8 پايىزى - باسقا دا توپ وكىلدەرى.

اۋىرعانداردىڭ باسىم ءبولىمى نەمەسە 69,4 پايىزى - ورال قالاسىنىڭ تۇرعىندارى.

«جاڭا وقۋ جىلى باستالعاننان بەرى وبلىستاعى ءتورت مەكتەپتە 7 وقۋشى قىزىلشاعا شالدىقتى. سونىڭ ىشىندە ورال قالاسىندا 3، سىرىم اۋدانىندا 1 مەكتەپتە تىركەلدى. قىزىلشاعا شالدىققانداردىڭ 43 پايىزى اۋرۋدى وتباسى مۇشەلەرىنەن جۇقتىرعان، ياعني قىزىلشاعا قارسى ەكپە الۋدان باس تارتقان جانە دەرتتى جۇقتىرعاننان كەيىن ەپيدەميولوگيالىق كورسەتكىشتەر بويىنشا شۇعىل ۆاكسيناتسيادان باس تارتقان ادامدار. ناۋقاستارمەن قارىم- قاتىناستا بولعان 645 ادام انىقتالىپ، مەديتسينالىق باقىلاۋعا الىندى، ەپيدەميولوگيالىق كورسەتكىشتەر بويىنشا قارىم- قاتىناستا بولعاندارعا قىزىلشاعا قارسى شۇعىل ەكپە جاسالدى. قىزىلشا اۋرۋى اۋىر تۇردە ءوتۋى مۇمكىن. بۇل پنيەۆمونيا، وتيت، ەنتسەفاليت، مەنينگوەنتسەفاليتكە ۇلاسىپ، مەديتسينالىق كومەككە كەش جۇگىنگەن كەزدە ولىمگە دە سوقتىرۋى ىقتيمال. قىزىلشادان تەك ەكپە الۋ ارقىلى عانا قورعانۋعا بولاتىنىن تۇرعىنداردىڭ ەسىنە سالامىز. قىزىلشاعا قارسى ۆاكتسينا ۇلتتىق يممۋنداۋ كۇنتىزبەسىنە ەنگىزىلگەن. بالالارعا قىزىلشاعا قارسى ەگۋ 1 جاستا، ال ريەۆاكسيناتسيا 6 جاستا جۇرگىزىلەدى. ەكپەدەن كەيىن ينفەكتسيادان قورعايتىن يممۋنيتەت پايدا بولادى»، - دەدى م. ارىسپايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى