باتىس قازاقستاندا قىزىلشامەن اۋىرعاندار سانى 100 دەن استى
باتىس قازاقستان وبلىسىندا بيىل 119 ادامنىڭ قىزىلشامەن اۋىرعانى زەرتحانالىق تۇردە راستالدى، دەپ حابارلايدى Kazinform.
ب ق و سانيتاريالىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستايەۆتىڭ وڭىرلىك كوممۋنيكاتسيالار قىزمەتى الاڭىندا ءمالىم ەتكەنىندەي، اتالعان دەرت اقجايىق، ءبورلى، بايتەرەك، سىرىم، كازتالوۆ، قاراتوبە، تاسقالا، تەرەكتى، شىڭعىرلاۋ اۋداندارى مەن ورال قالاسىندا تىركەلدى.
ونىڭ سوزىنە قاراعاندا، ناۋقاستاردىڭ كوپشىلىگى - دەنساۋلىعىنا بايلانىستى ەكپە الماعان بالالار جانە ەكپە الۋ مەرزىمى ءالى كەلمەگەن ءبىر جاسقا دەيىنگى بوبەكتەر، سونداي- اق اتا- اناسى ەكپەدەن باس تارتقاندار.
سونىڭ ىشىندە 18 ءى - ءبىر جاسقا دەيىنگىلەر، 63 ءى - 1-14 جاس ارالىعىنداعىلار، 38 ءى ەرەسەك تۇرعىندار.
تاعى ءبىر ايتا كەتەتىن جايت، مەكتەپتەردە 17، بالاباقشالاردا 13 دەرەك تىركەلدى.
قازىرگى كەزدە اۋرۋ وشاقتارىندا ەپيدەمياعا قارسى ءىس- شارالار كەشەنى جۇرگىزىلۋدە. اتاپ ايتقاندا، 21 كۇن بويى بايلانىستا بولعان ادامدارعا باقىلاۋ ورناتىلدى، وعان قوسا ەپيدەميولوگيالىق كورسەتىلىم بويىنشا ەكپە سالىندى.
«ق ر باس مەملەكەتتىك سانيتارلىق دارىگەرىنىڭ قاۋلىسى نەگىزىندە قىزىلشاعا قاتىستى كۇردەلى ەپيدەميولوگيالىق جاعدايدى ەسكەرە وتىرىپ، 6-قاراشادان بىرنەشە كەزەڭنەن تۇراتىن قوسىمشا جاپپاي يممۋنداۋ جۇرگىزۋ ناۋقانى باستالدى. قوسىمشا جاپپاي يممۋنداۋ 6 ايدان 10 اي 29 كۇنگە دەيىنگى، سونداي- اق 2 مەن 4 جاس 11 اي 29 كۇن ارالىعىنداعى بالالاردى قامتيدى. ويتكەنى وسى جاستاعىلار قىزىلشامەن كوپ اۋىرادى. دەرتتىڭ العاشقى بەلگىلەرى بايقالعاندا، تۇرعىندار وزدىگىنەن ەمدەلمەي، بىردەن مەديتسينالىق كومەككە جۇگىنۋى قاجەت»، - دەدى ن. مۇستايەۆ.
ب ق و دەنساۋلىق ساقتاۋ باسقارماسى باسشىسىنىڭ ورىنباسارى ايناش عۇبايدۋللينانىڭ ناقتىلاۋىنشا، بارلىعى 183 ادامدا قىزىلشا اۋرۋى كۇدىكتى جاعداي رەتىندە تىركەلىپ، سونىڭ 119 ى راستالعان.
«ناۋقاستاردىڭ 102 ءسى نەمەسە 85,7 پايىزى - ەكپە الماعاندار. جىل باسىنان بەرى ستاتسيونارعا جاتقىزىلعان 133 ادامنىڭ 99 ى جازىلىپ شىقتى. كۇنى بۇگىن 35 ادام ەمدەلىپ جاتسا، سونىڭ 27 ءسى - بالالار (1 جاسقا دەيىنگىلەرى - 2)، 8 ءى - ەرەسەك ادامدار. ولاردىڭ جاعدايى ورتاشا اۋىر. سونىمەن قاتار اۋرۋ جەڭىل ءوتىپ جاتقان 17 ادام امبۋلاتورلىق ەم الۋدا، بۇلاردىڭ بىرەۋى - جۇكتى ايەل»، - دەدى ا. عۇبايدۋللينا.
ەسكە سالا كەتەيىك، بۇدان بۇرىن باتىس قازاقستاندا قازان ايىندا 13 مىڭنان استام ادامنىڭ جرۆي- مەن اۋىرعانىن جازعان بولاتىنبىز.
