باتىس قازاقستاندا كيىك ەتىنىڭ كەلىسى 1200 تەڭگەگە ساتىلىپ جاتىر
اتىس قازاقستان وبلىسىنىڭ اكىمى ناريمان تورەعاليەۆ وڭىردەگى كيىك سانىن رەتتەۋ جۇمىستارى تۋرالى پىكىر ءبىلدىردى.
وبلىستا 10 مىڭنان استام كيىك اۋلاندى، 17 بريگادا مەن 8 ەت كومبيناتى جۇمىس ىستەپ جاتىر، دەپ حابارلايدى Kazinform اگەنتتىگى.
«بيىلعى جىلدىڭ قورىتىندىسى بويىنشا بىزدە كيىك سانى 1 ميلليون 300 مىڭعا جەتتى. عالىمداردىڭ پايىمداۋىنشا، ءبىر كيىككە ءبىر جىلعا 15 گەكتار جەر كەرەك ەكەن. سوندا 1 ميلليون كيىككە 15 ميلليون گەكتار جەر كەرەك دەگەن ءسوز. بىزدە ءبىر ميلليونعا جۋىق ءىرى قارا مال بار. 2 ميلليونعا جاقىن قوي مەن ەشكى بار، 350 مىڭنىڭ ۇستىندە جىلقى بار. ونىڭ بارىنە جەم- ءشوپ كەرەك»، - دەدى ن. تورەعاليەۆ ەلوردادا ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
اكىمنىڭ ايتۋىنشا، ەكولوگيا جانە اۋىل شارۋاشىلىعى مينيسترلىكتەرى كيىك سانىن رەتتەۋگە قاتىستى نورماتيۆتىك قۇقىقتار مەن اكتىلەر قابىلدادى، وحوتزووپروم وپەراتور بولىپ تاعايىندالعان.
«بۇگىندە ءبىز 10 مىڭنىڭ ۇستىندە كيىك اۋلادىق، 17 بريگادا جۇمىس ىستەپ جاتىر. ونىڭ ىشىندە 15 بريگادا اتۋ ادىسىمەن، ەكى بريگادا تورمەن اۋلايدى. وحوتزووپروم 12 مىڭعا جۋىق ءمۇيىزدى كەسىپ الىپ، اكت جاساپ، نومىرلەپ، ءاربىر كيىكتىڭ ءمۇيىزىن ساناپ الدى جانە ارنايى ساقتاۋعا قويىلادى. سەبەبى كيىكتىڭ ءمۇيىزىن ساتۋعا رۇقسات جوق. كيىك ەتتەرىمەن ءبىزدىڭ وبلىستا 8 ەت كومبيناتى اينالىسۋدا، ونىڭ بەسەۋى ءبىزدىڭ وبلىستان جانە اقتوبە مەن اتىراۋ كومبيناتتارى بار. وسى كومبيناتتارعا ءار كەلىسىنە 315 تەڭگەدەن كيىك ەتى جەتكىزىلەدى. قالعانىن ءارى قاراي ەت كومبيناتتارى 1200 تەڭگەنىڭ اينالاسىندا ساتىپ جاتىر»، - دەدى ب ق و اكىمى.
سونىمەن بىرگە، اكىمگە «كيىك ەتى شىققان سوڭ مال ەتىنە سۇرانىس ازايا ما؟» دەگەن سۇراق قويىلدى.
«كيىكتىڭ ەتىن كەز كەلگەن ادام المايدى، اسىرەسە جاستاردىڭ كوبى بىلمەيدى. بۇرىنعى كەڭەس ۇكىمەتى كەزىندە كيىك ەتىن جەگەن ادام بولماسا، كوپشىلىگى بىلمەيدى. سوندىقتان اسا قىزىعۋشىلىق پەن سۇرانىس بار دەپ ايتا المايمىن. قازىر كيىك ەتىنە قاتىستى ينۆەستورلار دا كەلىپ جاتىر، ەت كومبيناتىن سالۋعا قىزىعۋىشلىق تانىتۋدا»، - دەدى ناريمان تورەعاليەۆ.
