باسپالداقتان قۇلاعان وقۋشى: مەكتەپ ديرەكتورى جۇمىستان شىعارىلدى

استانا قالاسى قوعامدىق دەنساۋلىق ساقتاۋ باسقارماسىنىڭ حابارلاۋىنشا، 18- قىركۇيەك كۇنى «103» پۋلتىنە ماسكەۋ كوشەسى، 23، 14№ و م مەكەنجايى بويىنشا شۇعىل شاقىرتۋدىڭ 3 ساناتى (جەدەل جاردەمنىڭ كەلۋ ۋاقىتى-29 مينۋت) شاقىرىلدى.

ناۋقاس 2№ كوپسالالى قالالىق بالالار اۋرۋحاناسىنا جاتقىزىلدى. قابىلداۋ كەزىندە ونى بارلىق ماماندار تەكسەردى، قازىر ول نەيروحيرۋرگيانىڭ بەيىندى بولىمشەسىندە ەم الۋدا. وقۋشىنىڭ دەنساۋلىق جاعدايى ورتاشا اۋىر. ەمدەۋ مي جاراقاتىنىڭ حاتتاماسى بويىنشا قابىلدانادى، قازىرگى ۋاقىتتا ول حيرۋرگيالىق ەمدەۋدى قاجەت ەتپەيدى.

ۆەدومستۆو وكىلدەرى بالانىڭ كومادا جاتپاعانىن، ەسى دۇرىس، تۇراقتى ەكەنىن ءتۇسىندىردى. سونىمەن قاتار، سارىارقا اۋداندىق پوليتسيا باسقارماسى 2023-جىلعى 19- قىركۇيەكتە وسى فاكت بويىنشا ق ر قىلمىستىق كودەكسىنىڭ 141-بابى بويىنشا «بالالاردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ جونىندەگى مىندەتتەردى تيىسىنشە ورىنداماۋ» بويىنشا سوتقا دەيىنگى تەرگەۋدى باستادى.

14№ مەكتەپ-گيمنازياسىنىڭ ديرەكتورى بولعان جايتتان كەيىن قىزمەتىنەن بوساتىلدى.

بۇعان دەيىن استانادا وقۋشى مەكتەپ باسپالداعىنان قۇلاپ، اۋرۋحاناعا تۇسكەنى تۋرالى حابارلاعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى