باس پروكۋرور: ەلىمىزدە جول اپاتى 90 پايىز كوبەيدى
استانا. KAZINFORM - باس پروكۋرور بەرىك اسىلوۆ ەلىمىزدە جول اپاتى كوبەيگەنىن ايتتى.
وسىعان بايلانىستى پروكۋرورلارعا ءبىرقاتار تاپسىرما بەرىلدى.
«وتكەن جىلمەن سالىستىرعاندا جولداعى اپات سانى %90 ءوستى. جول-كولىك وقيعالارى قۇرباندارىنىڭ سانى دا ارتقان. ب ق و، ش ق و، اتىراۋ، ماڭعىستاۋ، اباي، ۇلىتاۋ وبلىستارى مەن شىمكەنت قالاسىندا تەرىس ءۇردىس ورىن الىپ جاتىر. وسىعان بايلانىستى، پروكۋرورلارعا مەملەكەتتىك ورگاندارمەن بىرلەسىپ، ەڭ الدىمەن جولداردىڭ نەعۇرلىم اپاتتىق-قاۋىپتى ۋچاسكەلەرىنە نازار اۋدارۋ ارقىلى ج ك و-نىڭ سەبەپتەرىن انىقتاپ، ناقتى شارالار ازىرلەۋدى تاپسىردىم»، - دەپ جازدى «X» الەۋمەتتىك جەلىسىندەگى پاراقشاسىندا.
بۇعان دەيىن باس پروكۋرور بالالاردى سۋيتسيد جاساۋعا يتەرمەلەيتىن 15 مىڭ سايت پەن سىلتەمە بۇعاتتالعانىن ايتقان ەدى.
