باس پروكۋرور جاس وسپىرىمدەر قىلمىسى كوبەيگەن وڭىرلەردى اتادى
استانا. KAZINFORM – ق ر باس پروكۋرورى بەرىك اسىلوۆ «زاڭ جانە ءتارتىپ» قاعيداتىن ىسكە اسىرۋ بويىنشا كەڭەس وتكىزدى. بۇل تۋرالى ول X الەۋمەتتىك جەلىسىندە جازدى.
ونىڭ سوزىنشە، اقتوبە، اتىراۋ، پاۆلودار جانە باسقا دا وڭىرلەردە جاس وسپىرىمدەر قىلمىسى كوبەيگەن.
- «زاڭ جانە ءتارتىپ» قاعيداتىن ىسكە اسىرۋ بويىنشا كەڭەس وتكىزدىم. اقتوبە، اتىراۋ، پاۆلودار جانە باسقا دا وڭىرلەردە جاسوسپىرىمدەر قىلمىسى كوبەيىپ وتىر. پروفيلاكتيكالىق شارالاردى كۇشەيتۋدى، انتيبۋللينگ باعدارلامالارىنىڭ تيىمدىلىگىن زەردەلەۋدى تاپسىردىم. قوعامدىق ورىندارداعى قاۋىپسىزدىككە ەرەكشە نازار اۋداردىم. قاۋىپتى ۋچاسكەلەردى بەينەكامەرالارمەن جانە جارىقپەن جابدىقتاپ، پاترۋلدەۋدى كۇشەيتۋ قاجەت. ازاماتتار وزدەرىن قورعالعان سەزىنۋى ءتيىس - ءسوز جۇزىندە ەمەس، ءىس جۇزىندە، - دەپ جازدى پروكۋرور.
سونىمەن قاتار بەرىك اسىلوۆ جول-كولىك وقيعالارىنىڭ كۇرت ءوسۋى الاڭداتاتاتىنىن ايتتى: ءبىر جىلدا %67+، جاراقات العاندار %79+.
- اتىراۋ، قوستاناي، اكتوبە، جەتىسۋ وبلىستارىندا جاعداي كۇردەلى. اپاتتاردىڭ %72 تراسسالاردا. جۇرگىزۋشىلەردىڭ ەڭبەك ءتارتىبىن باقىلاۋ، بالا تاسىمالداۋ ەرەجەلەرىنىڭ ساقتالۋىن قامتاماسىز ەتۋ تاپسىرىلدى حالىقارالىق ساراپشىلاردىڭ قاتىسۋىمەن تالعار مەن رۋدنىي قالالارىندا قاۋىپسىزدىك ماسەلەلەرىن تالدايتىن پيلوتتىق جوبا ىسكە قوسىلادى. وڭىرلەردىڭ كريمينولوگيالىق پاسپورتتارىن ازىرلەۋ، ۋاكىلەتتى ورگاندارمەن بىرلەسىپ مەكتەپتەردە زاڭ مادەنيەتىن ىلگەرىلەتۋ تاپسىرىلدى، - دەپ تۇيىندەدى ق ر باس پروكۋرورى.
وسىعان دەيىن باس پروكۋراتۋرا ق ف ف- نىڭ بۇرىنعى باسشىلىعى كەزىندەگى زاڭ بۇزۋشىلىقتاردى انىقتاعانىن جازعان ەدىك.
