باس ءمۇفتي تۇركىستان وبلىسىنداعى يمامداردان اقشا جيناۋ داۋىنا پىكىر ءبىلدىردى
استانا. KAZINFORM - قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى تۇركىستان وبلىسىنا جاساعان ساپارى كەزىندە جەرگىلىكتى يمامداردان اقشا جيناتتى دەگەن مالىمەت تۋرالى پىكىر ءبىلدىردى.
«ول ماسەلە بويىنشا قازىر جۇمىس ءجۇرىپ جاتىر. ارنايى كوميسسيا بارىپ، تەكسەرەدى. كەيىن سونىڭ قورىتىندىسىن جاريالاپ ايتامىز. ول جونىندە تۇركىستان وبلىسىنىڭ باس يمامى اقپارات بەتتەرىندە ءوزىنىڭ جاۋابىن ايتتى. دەگەنمەن، ءبىز ءمۇفتياتتان ارنايى كوميسسيا جىبەرىپ، ول اقپاراتتىڭ اق قاراسىن انىقتايمىز»، - دەدى ناۋرىزباي قاجى تاعان ۇلى الەمدىك جانە ءداستۇرلى دىندەر كوشباسشىلارى سيەزى حاتشىلىعىنىڭ وتىرىسىنان كەيىن.
ءمۇفتي ءوز باسى ەشكىمگە ءىسساپارعا بايلانىستى اقشا جيناۋ تۋرالى نۇسقاۋ، تاپسىرما بەرمەگەنىن ايتادى.
«اللا ساقتاسىن! ونداي بولمايدى دا، بولماعان دا»، - دەدى ق م د ب ءتوراعاسى.
اۆتور
ەسىمجان ناقتىباي
