بالانى مەكتەپكە تىركەۋ ءۇشىن قانداي قۇجات وتكىزۋ قاجەت

«مامانداندىرىلعان مەكتەپتەردەن باسقا مەكتەپتەردىڭ ءبارى 1-سىنىپقا باراتىن بالالاردى ەشقانداي ەمتيحانسىز قابىلدايدى. ءار مەكتەپتە اتا-انالارعا كومەك كورسەتەتىن 1-سىنىپقا قابىلداۋ كوميسسيالارى قۇرىلدى. اتا- انالار قۇجاتتاردىڭ «ەلەكتروندى ۇكىمەت» ۆەب- پورتالى ارقىلى دا، مەكتەپكە بارىپ قاعاز تۇرىندە دە تاپسىرا الادى.

قۇجات تاپسىرعان كەزدە اتا- انانىڭ بالاسىن مەكتەپكە قابىلداۋ تۋرالى ءوتىنىشى، مەديتسينالىق انىقتاما، بالانىڭ پروفيلاكتيكالىق ەكپەلەر كارتاسى، دەنساۋلىق پاسپورتى مەن 3\4 سۋرەتى بولۋ كەرەك. قۇجاتتاردى قاعاز تۇرىندە وتكىزسەڭىز، اتا-انانىڭ نەمەسە بالانىڭ زاڭدى تۇلعاسىنىڭ جەكە كۋالىگى قاجەت بولادى»، - دەدى قاسىمحان سەنعازيەۆ.

باسپاءسوز ءماسليحاتى كەزىندە اتا- انالار الەۋمەتتىك جەلى ارقىلى باسقارما باسشىسى اتاعان قۇجاتتاردىڭ ءتۇپنۇسقاسى بالاباقشادا 1-مامىرعا دەيىن ساقتالاتىنىن ايتىپ، ءتۇپنۇسقانى ەرتە الۋ ماسەلەسىن شەشۋدى سۇرادى.

«بالاڭىز بالاباقشادان شىققانعا دەيىن بۇكىل قۇجاتتاردىڭ ءتۇپنۇسقاسى سول بالاباقشادا بولادى. بىزدە قۇجاتتاردى مەكتەپكە قۇجات قابىلداۋ ساۋىردەن تامىزعا دەيىن. ەگەر قازىر تاپسىرامىن دەسەڭىز، مەكتەپتەر دەنساۋلىق پاسپورتى، ەكپە كۋالىكتەرى سياقتى قۇجاتتاردىڭ كوشىرمەسىن قابىلداي بەرەدى. بۇل مەكتەپكە تىركەلۋ قۇقىعىن بەرەدى. بالاڭىز بالاباقشادان شىققان كەزدە نەمەسە مەكتەپكە بارعان كەزدە ءتۇپنۇسقالاردى قوسىمشا جەتكىزۋگە بولادى»، - دەدى باسقارما باسشىسى.

سونداي- اق، ول اتا- انالارعا بالانىڭ قۇجاتىن مەكتەپكە وتكىزۋدىڭ ەكى جول بار ەكەنىن قايتالاپ ەسكە سالدى. ياعني، مەكتەپكە ءوز اياعىمەن بارىپ قۇجات وتكىزۋدەن بولەك، قاشىقتان eGov ەلەكتروندىق ۇكىمەت ارقىلى سيفرلىق نۇقساداعى قۇجاتتاردى وتكىزۋ مۇمكىندىگى بار.

ەلەكتروندى تاسىلمەن قۇجات وتكىزگەن اتا- اناعا بالاباقشادان قۇجاتتاردىڭ ءتۇپنۇسقاسىن سۇراپ، كوشىرمەسىن الۋدىڭ قاجەتى دە بولمايدى.

ءبىلىم باسقارماسىنىڭ ماماندارى قۇجاتتى ەكى تاسىلمەن وتكىزگەن كەزدە دە مەكتەپ اكىمشىلىگى بالانىڭ ءبىلىم وشاعىنا قابىلدانعانىن نەمەسە كەزەك تولىپ كەتكەنىن بىردەن ايتاتىنىن ءتۇسىندىردى. ياعني، قۇجاتتى تۇپنۇسقامەن نەمەسە كوشىرمەمەن وتكىزۋ، ەلەكتروندى جولمەن تاپسىرۋ مەكتەپتەن ورىن الۋ ىسىندە ەشكىمگە ەشقانداي ارتىقشىلىق بەرمەيدى.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى