بالانى دۇرىس سۇندەتتەمەگەن پاۆلودارلىق حيرۋرگ قاتاڭ سوگىس الدى
تامىزدا ءساتسىز سۇندەتتەلگەن 5 جاسار بالا پاۆلودارداعى ەمحانانىڭ ۋرولوگيا بولىمىنە تۇسكەن. دارىگەر سۇندەتتەۋ كەزىندە بالانىڭ جىنىس مۇشەسى باسىنىڭ ۇشتەن ءبىرىن كەسىپ تاستاعان، ءسويتىپ ءزار شىعارۋشى كانالعا زاقىم كەلگەن.
اتا-انا قاتەلىك جىبەرگەن حيرۋرگتى جازالاۋدى سۇرادى، دەپ حابارلايدى Kazinform ءتىلشىسى.
بالانى 13 جىلدىق تاجىريبەسى بار دارىگەر سۇندەتتەگەن.
«بالالار حيرۋرگياسى» ماماندىعى بويىنشا ءبىرىنشى بىلىكتىلىك ساناتى بار.
وسى وقيعادان كەيىن قىزمەتتىك تەكسەرۋ جۇرگىزىلدى. ونى وتا جاساۋدان شەتتەتتى.
قازىرگى ۋاقىتتا دارىگەر ول اۋرۋحانادا جۇمىس ىستەمەيدى، ءوز قالاۋىمەن قىزمەتىنەن كەتكەن.
- بالانى سۇندەتتەۋ كەزىندە جىبەرگەن قاتەلىگى ءۇشىن دارىگەر-حيرۋرگ تارتىپتىك جاۋاپقا تارتىلىپ، 2 اي جەدەل حيرۋرگيا جاساۋدان شەتتەتىلىپ قاتاڭ سوگىس الدى. سودان كەيىن دارىگەردىڭ ءوز قالاۋىمەن ەڭبەك كەلىسىمشارتى توقتادى، - دەپ حابارلادى پاۆلودار وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.
ۆەدومستۆو حابارلاۋىنشا، پاۆلودار ەمحاناسى حيرۋرگيا ءبولىمىنىڭ مەڭگەرۋشىسى استاناداعى انا مەن بالا ورتالىعى ۋرولوگيالىق بولىمشە مەڭگەرۋشىسى جانە بالانى ەمدەيتىن دارىگەرمەن ۇنەمى بايلانىستا بولعان.
قازىرگى ۋاقىتتا ول استانالىق انا مەن بالا ورتالىعىنىڭ ۋرولوگيا بولىمشەسىنەن ەم الىپ، ۇيىنە شىققان.
- بالانىڭ جاعدايى ءبىرقالىپتى، جاراسى جازىلدى، ەركىن ءزار شىعارادى، - دەپ پىكىر ءبىلدىردى دەنساۋلىق ساقتاۋ باسقارماسى.
