بالانىڭ ءومىر بويى ەسىندە قالاتىن اتا-اناسىنىڭ 4 ارەكەتى
ءار اتا-انا بالاسىن باقىتتى بالالىق شاقپەن قامتاماسىز ەتكىسى كەلەدى. ءبىراق بالامىزعا قانشالىقتى كوپ قىمبات ويىنشىقتار الىپ بەرسەك تە، قانداي اۋقىمدى مەرەكە ۇيىمداستىرساق تا، ونىڭ ەسىندە قالاتىن بۇلار ەمەس.
ەندەشە، بالا ەسىنە اتا-اناسىنىڭ قانداي ارەكەتتەرىن ەڭ باقىتتى ساتتەر رەتىندە ساقتاپ قالادى؟
ءوزىڭىزدىڭ جەكە بالالىق ەستەلىكتەرىڭىزگە قاراڭىز. ويلانىپ قاراساڭىز، سىيلىققا بەرىلگەن زاتتار نەمەسە وعان جۇمسالعان قاراجات ەمەس، ەموتسيا ەرەكشە ەستە قالادى. سوندىقتان بالاعا جاڭا ۇيالى تەلەفون الىپ بەرۋ نەمەسە انيماتورلارى بار تۋعان كۇن ۇيىمداستىرۋ ءۇشىن اتا-اناسىنىڭ كوپ جۇمىس ىستەگەنى، ادەتتە، بالانىڭ ەسىندە قالمايدى. ارينە، ءبىراق بۇل بالاعا ۇيالى تەلەفون نەمەسە ويىنشىق الىپ بەرمەڭىز دەگەن ءسوز ەمەس. باستىسى، ءار اتا-انا بالاعا شىنىمەن دە قۋانىش سىيلايتىن جانە وعان كەرەمەت ەستەلىكتەر بولىپ قالاتىن ساتتەر جايلى ۇمىتپاسا ەكەن دەيمىز. بۇل قانداي ساتتەر؟
اتا-انانىڭ بارىنشا ەركىن ءارى بوس بولعان كەزدەرى، ياعني اكەسىنىڭ قالجىڭداسقانى، اناسىنىڭ كۇلگەنى، بيلەگەنى، باقىتتى بولعانى؛
جوسپارسىز، اياق استى ۇيىمداستىرىلعان ساپار جانە بىرگە وتكىزىلگەن ۋاقىت؛
وتباسىلىق داستۇرلەر: اناسىنىڭ ۇيىقتاردا ەرتەگى وقىپ بەرگەنى، اكەسىمەن دەمالىس سايىن ۆەلوسيپەد تەپكەنى جانە ت. ب؛
مەرەكەگە اتا-اناسىمەن بىرگە دايىندالعانى.
بالاعا دەگەن ماحاببات اقشامەن نەمەسە سىيلىقتارمەن ولشەنبەيتىنىن ءتۇسىنۋ ماڭىزدى. قالجىڭداۋ، ومىرگە قۋانا ءبىلۋ جانە ودان ءلاززات الا ءبىلۋ قابىلەتى - باقىتتى بالالىق شاقتى قۇرۋدىڭ دۇرىس جولى.
massaget.kz
