بالانىڭ ءسۇت ءتىسىن ساقتاپ قويىڭىز
كەلەشەكتە ادامنىڭ ءسۇت ءتىسى قارا بازارداعى ءوتىمدى تاۋاردىڭ بىرىنە اينالماق. اعىلشىن عالىمدارى ءسۇت تىستەر ءتىن جاسۋشالارىنىڭ كوزى دەپ وتىر.
The Daily Mail-دىڭ حابارلاۋىنشا، دارىگەرلەر بالانىڭ ءتۇسىپ قالعان نەمەسە جۇلدىرتقان ءسۇت ءتىسىن ساقتاپ قويۋدى ەسكەرتەدى. سەبەبى ولار كەلەشەكتە اعزا جاسۋشالارىن ەمدەۋ ءۇشىن قاجەت بولۋى مۇمكىن. ۇلى بريتانياداعى لوندون كورولدىق كوللەدجىنىڭ ستوماتولوگيا ينستيتۋتى قازىردەن باستاپ بالاڭ تىستەردى ساقتاۋ جوباسىن قولعا الدى. مۇندا ءتىستى 30 جىلعا ساقتاۋعا بەرۋدىڭ قۇنى - 1385 فۋنت.
ءسۇت تىستەردەن ءتىن جاسۋشالارىن الىپ، مەديسينالىق ماقساتقا پايدالانۋ يدەياسىن ەڭ العاش امەريكالىق عالىم سونگتاو شي 2003- جىلى ايتقان. ول ءوز ويىن ىسكە اسىردى دا. عالىمنىڭ ايتۋىنشا، ءسۇت تىستەگى جاسۋشالاردىڭ كومەگىمەن ءتىس اۋرۋلارىمەن بىرگە، باسقا دا اۋرۋلاردى، سونىڭ ىشىندە السگەيمەر، پاركينسونيزم سياقتى جۇيكە اۋرۋلارىن دا ەمدەۋگە بولادى.
«الاش ايناسى»
