بالالارعا «قازاقشا سويلەڭدەر» دەگەن باپكەرگە جاڭا قىزمەت ۇسىنىلدى
الەۋمەتتىك جەلىدە بالالارعا «قازاقشا سويلەڭدەر» دەگەن ءبىر اۋىز سوزىنەن كەيىن تانىمال بولعان بوكس باپكەرىنە جاڭا قىزمەت ۇسىنىلدى، - دەپ حابارلايدى «ك ت ك» تەلەارناسى.
قازاق م م ا Boxing كلۋبىنىڭ جەتەكشىسى مۇحيت امانتايەۆ پارلامەنتكە ءجيى بارىپ ءجۇر. ول ءماجىلىس پەن سەنات قابىرعاسىنداعى سپورتتىق ماسەلەلەردى ورتاعا سالىپ، تالقىلاۋعا سپيكەر رەتىندە قاتىسىپ ءجۇر.
جاتتىعۋعا بارعان بالالارعا «انا تىلىڭدە تىلدەسۋ كەرەك» دەپ اقىل ايتىپ جاتقان ءۇزىندى الەۋمەتتىك جەلىدە تەز تاراپ، ءالى دە قىزۋ تالقىلانىپ ءجۇر.
ال مۇحيت امانتايەۆتىڭ ءوزى بۇلاي عانا تانىمال بولۋدى قالاماپتى.
ول پارلامەنت الدىندا جۋرناليستكە جۋىق ارادا وليمپيادا چەمپيونىن شىعارماي قويمايمىن دەپ ايتتى.
«قازاق ءتىلى تەك قازاق بالاسىنا كەرەك. مەنىڭ زالىمنىڭ ءوزى «قازاق م م ا Boxing» دەپ اتالادى. اتىنىڭ ءوزى قازاق بوكسى بولىپ تۇر. مەن بوتەن ەلدە جۇرگەن جوقپىن عوي. ءوز ەلىم، جەرىم بولعاننان كەيىن سۇرايمىن. مەنىڭ بوكس زالىمدا مىندەتتى تۇردە قازاقشا سويلەۋى كەرەك»، - دەيدى باپكەر مۇحيت امانتايەۆ.
