باكۋدە ارمەنيا قارۋلى كۇشتەرى بارلاۋ رەيستەرىنىڭ جولى كەسىلگەنى بەلگىلى بولدى

- 30-​​ناۋرىز كۇنى ساعات 21:25 شاماسىندا ارمەنيا قارۋلى كۇشتەرى درون پايدالانا وتىرىپ، گەرەنزۋر ەلدى مەكەنى باعىتىندا ازەربايجان ارمياسىنىڭ پوزيتسيالارىنا تاعى دا بارلاۋ ۇشۋلارىن جۇزەگە اسىرماق بولدى. ناتيجەسىندە ارمەنيانىڭ ارانداتۋ ارەكەتىنىڭ جولى كەسىلدى، - دەلىنگەن قورعانىس مينيسترلىگى مالىمدەمەسىندە.

سونىمەن قاتار مينيسترلىكتىڭ حابارلاۋىنشا، 31-ناۋرىز كۇنى ساعات 22:30 دان 04:35 كە دەيىن ارميان بولىمشەلەرى گورۋس، باساركەچار جانە چامباراك وبلىستارى باعىتتارىنان ازەربايجان قارۋلى كۇشتەرىنىڭ پوزيتسيالارىنا بىرنەشە رەت وق جاۋدىرعان.

بۇعان دەيىن ازەربايجان قورعانىس مينيسترلىگى 29-جانە 30-ناۋرىزدا ارمەنيا قارۋلى كۇشتەرى ازەربايجانمەن شەكارادا درون ارقىلى ءۇش رەت بارلاۋ ۇشۋىن جۇزەگە اسىرماق بولعانىن، ونىڭ الدىن العانىن حابارلاعان.

ارمەنيا قورعانىس مينيسترلىگى ازەربايجان تاراپىنىڭ شەكارانىڭ شىعىس جانە وڭتۇستىك-شىعىس بولىكتەرىندە اتىستى توقتاتۋ رەجيمىن بۇزعانى تۋرالى حابارلاماسىن جوققا شىعاردى. ۆەدومستۆو ازەربايجان قورعانىس مينيسترلىگىنىڭ مالىمدەمەسىن راستايتىن فاكتىلەردى ارميان تاراپىنا ۇسىنعان جاعدايدا تەكسەرۋگە دايىن ەكەنىن ايتتى.

بۇعان دەيىن ازەربايجان تاراپى ارمەنيانى بەيبىت كەلىسىمگە قول قويۋ پروتسەسىن تەزدەتۋگە شاقىرعان.

13-ناۋرىزدا ازەربايجان مەن ارمەنيانىڭ سىرتقى ىستەر مينيسترلىكتەرى تاراپتار كەلىسسوزدەردى اياقتاپ، بىتىمگەرشىلىك كەلىسىمىنىڭ جوباسىن كەلىسكەنىن راستادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى