باشار اساد پەن ونىڭ وتباسى مۇشەلەرى ماسكەۋگە كەلدى
استانا. KAZINFORM - سيريانىڭ بۇرىنعى پرەزيدەنتى باشار اساد ماسكەۋدە جانە رەسەيدەن باسپانا الدى، دەپ حابارلايدى تاسس اگەنتتىگى.
- اساد وتباسىمەن ماسكەۋگە كەلدى. رەسەي ولارعا باسپانا بەردى، - دەپ جازدى تاسس اگەنتتىگىنە كرەملدەگى دەرەككوز.
ال بۇگىن سيريانىڭ قارۋلى وپپوزيتسياسى ەل استاناسى داماسكىنى جاۋلاپ العانىن، ال پرەزيدەنت باشار اساد ەلدەن قاشقانىن مالىمدەدى.
بۇعان دەيىن ەۋروپالىق وداقتىڭ سىرتقى ىستەر قىزمەتى سيرياداعى جاعداي بويىنشا مالىمدەمە تاراتقان ەدى.
قىتاي دا سيرياداعى جاعدايدى مۇقيات باقىلاپ وتىرعانىن جانە ەلدە تۇراقتىلىقتىڭ مۇمكىندىگىنشە تەزىرەك قالپىنا كەلۋىنە ۇمىتتەنەتىنىن جەتكىزدى.
رەسەي سىرتقى ىستەر مينيسترلىگى باشار اسادتىڭ بيلىكتى بەيبىت جولمەن تاپسىراتىنىن ايتىپ، ەلدەن كەتكەنىن اتاپ ءوتتى.
ءوز كەزەگىندە قازاقستاننىڭ قورعانىس مينيسترلىگى گولان جوتالارىنداعى بىتىمگەرلەردىڭ قاۋىپسىزدىگى ءۇشىن قاجەتتى شارا قابىلداپ جاتىر. قازاقستاندىق بىتىمگەرلەر قىزمەت ەتەتىن ب ۇ ۇ-نىڭ گولان جوتالارىنداعى (س و ن ن ر) جاۋاپكەرشىلىك ايماعىنداعى جاعداي شيەلەنىستى، ءبىراق تۇراقتى دەپ باعالانىپ وتىر.
بۇعان دەيىن Kazinform باشار اسادتىڭ ءومىربايانىن، تاياۋ شىعىستىڭ ەڭ كۇردەلى جانە قاقتىعىسقا تولى ەلدەرىنىڭ ءبىرىن قالاي باسقارعانىن شولىپ كوردى.
