باعىنباۋ ەسكەرتكىشى: ترامپقا ارناپ ءمۇسىن ورناتىلدى
استانا. KAZINFORM - ا ق ش پرەزيدەنتى دونالد ترامپقا ارنالعان ەرەكشە ەسكەرتكىش اشىلدى. ونى بيزنەسمەن ءارى جاقتاسى ەنتوني كونستانتينو سىيعا تارتقان.
ول بۇل جاڭالىقپەن X الەۋمەتتىك جەلىسىندەگى پاراقشاسىندا ءبولىستى.
ءمۇسىن فلوريداداعى ترامپتىڭ مار-ا-لاگو رەزيدەنسياسىنىڭ ماڭىندا، گولف الاڭىنا جاقىن جەردە ورنالاسقان.
«باعىنباۋ ەسكەرتكىشى» دەپ اتالعان بۇل ءمۇسىن ترامپتىڭ جوعارى كوتەرىلگەن جۇدىرىعىمەن بەينەلەنگەن. سونىمەن قاتار ترامپتىڭ سايلاۋالدى ۇراندارى دا جازىلعان.
اشىلۋ راسىمىندە ترامپ بۇل سىيلىققا ريزاشىلىعىن ءبىلدىرىپ، ونى «ناعىز كۇرەستىڭ بەلگىسى» دەپ اتادى.
- قارسىلىق - بۇل امەريكاندىق بوستاندىقتىڭ نەگىزى، - دەدى ول.
ترامپتىڭ جاقتاستارى بۇل ەسكەرتكىشتى ونىڭ ساياسي جولىنىڭ سيمۆولى رەتىندە قابىلداپ جاتىر.
ايتا كەتەيىك، دونالد ترامپ وتكەن مەديتسينالىق تەكسەرۋدىڭ ناتيجەسى بەلگىلى بولدى.
اۆتور
جاراسقان نۇرىبايەۆ
