ب ت ا بانك حراپۋنوۆ پەن ءابىليازوۆقا قارسى سوتتا جەڭىسكە جەتكەنىن مالىمدەدى

بانكتىڭ رەسمي مالىمەتىنە سەنسەك، نيۋ-يوركتىڭ وڭتۇستىك وكرۋگى بويىنشا ا ق ش وڭتۇستىك وكرۋگتىك سوتىنىڭ قازىلار القاسى ب ت ا بانك پەن الماتى اكىمدىگىنىڭ پايداسىنا 32 ميلليون دوللاردان استام وتەم تاعايىنداعان.

ءۇش اپتاعا سوزىلعان سوت پروتسەسىندە ءتورت ەر ادام مەن بەس ايەل ادامنان تۇراتىن قازىلار القاسى فەليكس ساتتەر، Bayrock Group Inc.، Global Habitat Solutions پەن MeM Energy Partners LLC باستاماشى بولعان سوت ىسىندە بتا بانك پايداسىنا شەشىم شىعارعان. ناقتىراق ايتساق، ب ت ا بانك پەن الماتى اكىمدىگىن ف. ساتتەردىڭ ارەكەتتەرىنەن زارداپ شەگۋشى دەپ تانىعان. ال ف. ساتتەردىڭ ارەكەتتەرىن مۇلىكتى زاڭسىز يەمدەنۋ، نەگىزسىز بايۋ جانە اقشا الۋ سياقتى زاڭسىزدىقتار دەپ تانىدى. وسىنى نەگىزگە الىپ، شىعىندى وتەۋگە قاجەت دەپ سۇراعان سومادان ارتىق كولەمدە وتەماقى تاعايىندادى. بۇل وتەماقىنىڭ جالپى سوماسى 32 ميلليون دوللاردان اسادى. سوت وتىرىسىن ا ق ش- تىڭ نيۋ-يوركتەگى وركۋگتىك سوتىنىڭ قۇرمەتتى سۋدياسى دجون گ. كوەلتل جۇرگىزگەن.

2024-جىلدىڭ 10-ماۋسىمىندا باستالعان سوت پروتسەسى كەزىندە مۇحتار ءابىليازوۆ ب ت ا بانكتە لاۋازىمىن اسىرا پايدالانىپ، ميللياردتاعان دوللار كولەمىندە جالعان نەسيەلەر بەرگەنى ايتىلدى. ايىپتاۋشى تاراپ بۇل ارەكەتتەر بانكتىڭ كۇيرەۋىنە اكەلگەنىن، وعان دەيىن بۇل بانك قازاقستاندا كولەمى بويىنشا ءۇشىنشى ۇلكەن بانك بولعانىن العا تارتقان.

سوت پروتسەسى كەزىندە الماتى اكىمدىگى بۇرىنعى قالا باسشىسى ۆيكتور حراپۋنوۆتىڭ الاياقتىق ارەكەتتەرىن دالەلدەۋگە مۇمكىندىك بەردى. ول دا لاۋازىمىن اسىرا پايدالانىپ، مەملەكەت مەنشىگىندەگى جەر تەلىمدەرىن قولدان ارزانداتىلعان باعامەن ساتقان. ال ول تەلىمدەردى ساتىپ العان كومپانيالار كوبىنەسە جۇبايىنىڭ، كەيدە ءتىپتى مۇحتار ءابىليازوۆتىڭ باقىلاۋىندا بولعان.

سوتتا ۇسىنىلعان دالەل ماتەريالدارى م. ءابىليازوۆ پەن ۆ. حراپۋنوۆتىڭ جىمقىرعان اقشالارىن بىرىكتىرىپ ۇستاعانىن كورسەتەدى. ۆ. حراپۋنوۆتىڭ ۇلى، م. ءابىليازوۆتىڭ كۇيەۋ بالاسى ءىليا حراپۋنوۆ وسى اقشانىڭ ءبىر بولىگىن «تازارتىپ»، اشىق اينالىمعا شىعارىپ وتىرعان. سول كەزدە 23 تە بولعان ءىلياس حراپۋنوۆ اقشانى تازارتىپ، جىلىستاتۋ ءۇشىن فەليكس ساتتەردىڭ كومەگىنە جۇگىنەدى. ول ءى. حراپۋنوۆقا 40 ميلليون دوللاردى امەريكالىق اكتيۆتەرگە سالۋعا كوندىرگەن.

قازىلار القاسى ەلۆيرا حراپۋنوۆا مەن ءىلياس حراپۋنوۆتىڭ ينۆەستيتسياعا سالعان اقشانىڭ نەگىزگى كوزى بولىپ سانالاتىن سۋديا گەننادي پەتەليندى، ۆيكتور حراپۋنوۆ پەن مۇحتار ءابىليازوۆ تەرگەدى.

سوت القاسى ساتتەر مەن موچكين ەسىمدى وكىلدەر م. ءابىليازوۆ پەن ۆ. حراپۋنوۆتىڭ ب ت ا بانك پەن الماتى اكىمدىگىنەن ۇرلاعان اقشاسىن سانالى تۇردە جىلىستاتىپ وتىرعان. قازىلار القاسى ساتتەردىڭ قورعاۋشىلارى ۇسىنعان قورعاۋ دەرەكتەرىن قابىلدامادى.

- امەريكالىق قازىلار القاسى مۇحتار ءابىليازوۆتىڭ بتا بانككە قاتىستى الاياقتىق ارەكەتىنىڭ جان-جاقتى دالەلدەرىن قاراپ، ونىڭ سىبايلاستارىنا قاتىستى ءبىراۋىزدان ۇكىم شىعاردى. ال ۆيكتور حراپۋنوۆتىڭ ماسەلەسى بويىنشا الماتى اكىمدىگىنىڭ پايداسىنا ءبىراۋىزدان ۇكىم شىعاردى. امەريكانىڭ القابيلەر سوت جۇيەسى حالىقارالىق سوت تورەلىگىنىڭ التىن ستاندارتى بولىپ ەسەپتەلەدى. ءبىز بۇل امەريكالىق قازىلار القاسىنا بۇلتارتپاس دالەلدەر ۇسىنا العانىمىزدى ماقتان تۇتامىز جانە ب ت ا بانك پەن الماتى اكىمدىگىنىڭ پايداسىنا شىعارىلعان ۇكىمگە، ونىڭ ىشىندە فەليكس ساتتەردىڭ ارەكەتى بويىنشا وتەماقى تاعايىندالعانىنا وتە قۋانىشتىمىز. سوت القاسىنا ءبىز ۇسىنعان دالەلدەردى مۇقيات زەرتتەگەنىنە العىس ايتامىز»، - دەدى الماتى اكىمدىگى مەن ب ت ا بانك ادۆوكاتى، Boies Schiller Flexner LLP ءتوراعاسى ءارى باسقارۋشى سەرىكتەسى مەتيۋ ل. شۆارتس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى