ب ۇ ۇ قازاقستاندىق بىتىمگەرلەرگە قانشا ايلىق تولەيتىنى بەلگىلى بولدى

«ب ۇ ۇ- نىڭ تالابى - ءار كونتينگەنت ءوزىنىڭ قارۋ-جاراعىمەن، تەحنيكاسىمەن بارۋ كەرەك. سوندىقتان ءبىز قانداي تەحنيكا جىبەرىلەتىنىن ايقىندادىق. قورعانىس ءمينيسترى ول قانداي تەحنيكا ەكەنىن ايتتى. ەندى سول تەحنيكانى جەتكىزۋ كەرەك. بۇل دا ءبىزدىڭ ميسسيامىز. بۇعان شاشامەن 8 ميلليون دوللارداي كەتەدى. ويتكەنى 15 دانا بەرەندى «ارلان»، كاماز سياقتى ۇلكەن كولىكتەر تۋرالى ءسوز بولىپ وتىر»، - دەدى ايگۇل قۇسپان.

دەپۋتاتتىڭ ايتۋىنشا، ونداي تەحنيكانى الىپ ۇشاتىن ۇشاق قازاقستاننىڭ وزىندە جوق.

«قورعانىس مينيسترلىگى سونداي جۇك تاسىمالدايتىن اۋە كومپانيالارىنا جۇگىنەتىن شىعار. گولان بيىگىنە «ي ل-27» سياقتى ۇشاقتارمەن الىپ ۇشاتىن شىعار. ونىڭ وزىندە ءبىز ەڭ ۇنەمدى جولدى تاڭداپ وتىرمىز. ال قازاقستانعا كەرى قايتۋ ب ۇ ۇ ەسەبىنەن بولادى. ونىڭ ۇستىنە ب ۇ ۇ ءبىزدىڭ اسكەري قىزمەتشىلەرگە ايلىق تولەيدى. ب ۇ ۇ جىل سايىن ءبىزدىڭ بيۋدجەتكە بەلگىلى ءبىر سوما اۋدارىپ وتىرادى. شامامەن 1 ميلليون دوللارداي. جالپى ءبىزدىڭ ميسسيانىڭ مانداتى ءبىر جىلعا دەپ بەلگىلەنگەن. ءبىراق ۇزارتىلۋى مۇمكىن»، - دەدى ءماجىلىس دەپۋتاتى

ايتا كەتەيىك، پارلامەنت قازاقستاندىق اسكەريلەردىڭ ب ۇ ۇ ميسسيالارىنا قاتىسۋ تۋرالى جولداۋىن ماقۇلدادى.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى