ب ۇ ۇ قازاقستان بىتىمگەرلەرىنە تولەم جاسايدى
استانا. قازاقپارات - گولان جوتالارىندا بىتىمگەرلىك ميسسيا اتقارىپ جۇرگەن قازاقستاندىق اسكەريلەرگە بىرىككەن ۇلتتار ۇيىمى تاراپىنان اي سايىن مىڭ جارىم دوللارعا جۋىق تولەم جاسالادى.
قاراجات الدىمەن قارجى مينيسترلىگىنە اۋدارىلىپ، ودان سوڭ قورعانىس مينيسترلىگىنە جىبەرىلەدى. بىرىككەن ۇلتتار ۇيىمى تولەمدى قازاقستاندىقتاردىڭ بىتىمگەرلىك ميسسيا مەرزىمى اياقتالعانعا دەيىن تولەۋگە مىندەتتى. ءماجىلىس ۇيىم مەن قازاقستان ۇكىمەتى اراسىنداعى ءتيىستى كەلىسىمدى ماقۇلدادى. قۇجاتتا ودان بولەك، اتالعان شيەلەنىس ايماعىنا جىبەرىلگەن كونتينگەنتىمىزگە نەگىزگى جابدىق قۇرالدارى ءۇشىن وزگە دە شىعىن كولەمىن وتەۋ تارتىپتەرى قاراستىرىلعان.
ايتا كەتەيىك، قازاقستاندىق 139 بىتىمگەر گولان جوتالارىنا بىلتىر ناۋرىز ايىندا ورنالاستىرىلدى.
شايح-حاسان جازىقبايەۆ، ق ر قورعانىس ءمينيسترىنىڭ ورىنباسارى:
- وسى مەموراندۋم مەن كەلىسىمشارت راتيفيكاتسيالانعاننان كەيىن ب ۇ ۇ جىلدىق تولەماقىنى ءبىزدىڭ بيۋدجەتكە ءبىر رەت اۋداراتىن بولادى. كەلەسى روتاتسيادا كەلەسى اۋىسىم وتكەننەن كەيىن كەلەسى اۋىسىمنان باستاپ ءاربىر اسكەري قىزمەتشىنىڭ وزىندىك تولەماقىسى وزىنە تۇسەتىن بولادى اي سايىن. ال تەحنيكا مەن مۇلىككە ارنالعان تولەماقى توقسان سايىن مەملەكەت بيۋدجەتىنە تۇسەتىن بولادى.
24.kz
