ب ق و-داعى 4 ادام قازا تاپقان جول اپاتى: ءبىر جىگىت جانساقتاۋ بولىمىندە جاتىر
باتىس قازاقستان وبلىسىندا 4 ادام مەرت بولعان جول اپاتى سالدارىنان اۋىر جاراقات العان 28 جاستاعى جىگىت جانساقتاۋ بولىمىندە جاتىر، دەپ حابارلايدى قازاقپارات ءتىلشىسى.
ب ق و دەنساۋلىق ساقتاۋ باسقارماسىنىڭ باسپا ءسوز قىزمەتىنەن ءمالىم ەتكەنىندەي، جول اپاتىنان كەيىن 1995 -جىلعى جىگىت جەدەل جاردەم بريگاداسىمەن ورال قالالىق كوپبەيىندى اۋرۋحاناسىنا جەتكىزىلدى.
«اياق-قولدارى قوزعالىسسىز قالىپ، مويىن تۇسىنان اۋىرسىنعان ەر ادام رەانيماتولوگ، حيرۋرگ، تراۆماتولوگ، نەيروحيرۋرگ دارىگەرلەردىڭ تەكسەرۋىنەن ءوتىپ، شۇعىل تۇردە جانساقتاۋ بولىمشەسىنە جاتقىزىلدى. وعان وتا جاسالدى، جاعدايى ءالى دە اۋىر»، دەپ حابارلادى ۆەدومستۆودان.
ەسكە سالا كەتەيىك، بۇدان بۇرىن باتىس قازاقستاندا 2 اۆتوكولىك سوقتىعىسىپ، 4 ادامنىڭ كوز جۇمعانىن جازعان بولاتىنبىز.
تۇرعىنداردىڭ سوزىنە قاراعاندا، قازا تاپقاندار اراسىندا مەملەكەتتىك ەمەس ءورت ءسوندىرۋ قىزمەتىنىڭ قىزمەتكەرلەرى بولعان.
