ب ق و ءتورت اۋدانى مەن ورالدا توتەنشە جاعداي جاريالاندى: رومان سكليار ايماقتا ءجۇر

جۇمىس ساپارى بارىسىندا باتىس قازاقستان وبلىسىنىڭ تەرەكتى، سىرىم جانە قاراتوبە اۋداندارىنداعى سۋ باسقان اۋماقتار اۋەدەن باقىلانىپ، سونداي-اق ورال قالاسىنداعى سۋ تاسقىنى سالدارىنان قالىپتاسقان احۋال زەردەلەندى.

باتىس قازاقستان وبلىسىنىڭ اكىمى ناريمان تورەعاليەۆ رومان سكليارعا جۇرگىزىلىپ جاتقان شارالار جونىندە باياندادى.

سۋ تاسقىنى جاعدايى مول تۇسكەن جاۋىن-شاشىن سالدارىنان كۇردەلەنىپ وتىر.

ءتورت اۋدان مەن وبلىس ورتالىعىندا جەرگىلىكتى ماسشتابتا تابيعي سيپاتتاعى توتەنشە جاعداي جاريالاندى، 874 ادام قۇتقارىلدى.

باتىس قازاقستان وبلىسىنداعى سۋ تاسقىنى زارداپتارىن جويۋ جۇمىستارىنا ت ج د جەكە قۇرامىنان، جەرگىلىكتى اتقارۋشى ورگانداردان، قورعانىس مينيسترلىگى مەن ىشكى ىستەر مينيسترلىگىنەن 1168 ادام تارتىلدى.

306 تەحنيكا مەن 146 موتوپومپا جۇمىلدىرىلدى.

سونىمەن قاتار № 99250، № 28237 اسكەري بولىمشەلەرىنىڭ كۇشى مەن قۇرال-جابدىقتارى جانە ماڭعىستاۋ وبلىسىنىڭ ت د تارتىلدى.

قوسىمشا شەكارا قىزمەتىنىڭ ەكى «مي-8» تىكۇشاعى جۇمىس ىستەپ جاتىر.

وڭىردە ارنايى قۇرىلعان كوميسسيا تابيعي اپاتتان كەلگەن شىعىندى ەسەپتەۋدى باستادى.

رومان سكليار بارلىق باعىت بويىنشا سۋ تاسقىنىنا قارسى كۇرەستى كۇشەيتۋدى جانە تۇرعىنداردىڭ قاۋىپسىزدىگىن ءبىرىنشى كەزەكتە قامتاماسىز ەتۋدى تاپسىردى.

ۇكىمەت تاراپىنان بۇكىل قاجەتتى كومەك كورسەتىلەدى.

اۆتور

جانات قاپالبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى