ب. مومىش ۇلى، ق. قايسەنوۆ، ەسەت باتىر: ت ج م-نىڭ اسكەري بولىمدەرىنە قازاق باتىرلارىنىڭ ەسىمى بەرىلەدى

كوپشىلىك تالقىلاۋىنا شىعارىلعان بۇيرىق جوباسىندا توتەنشە جاعدايلار مينيسترلىگىنىڭ №28237-اسكەري ءبولىمىن «باۋىرجان مومىش ۇلى اتىنداعى 28237-اسكەري ءبولىمى» دەپ؛

№ 68303-اسكەري ءبولىمىن «قاسىم قايسەنوۆ اتىنداعى 68303-اسكەري ءبولىمى» دەپ؛

№52859-اسكەري ءبولىمىن «مارتبەك مامرايەۆ اتىنداعى 52859 اسكەري ءبولىمى» دەپ؛

№20982-اسكەري ءبولىمىن «كوكى ۇلى ەسەت باتىر اتىنداعى 20982-اسكەري ءبولىمى» دەپ اتاۋ ۇسىنىلعان.

بۇل شەشىمگە رەسپۋبليكالىق ونوماستيكا كوميسسياسىنىڭ 24 قاڭتارداعى قورىتىندىسى نەگىز بولعان.

ايتا كەتۋ كەرەك، يدەولوگيالىق تۇرعىدان ەسكىرگەن اتاۋلاردى قايتا اتاۋ جونىندەگى 2022−2025 -جىلدارعا ارنالعان جول كارتاسىنىڭ اياسىندا 3 مىڭعا جۋىق ونوماستيكالىق اتاۋدى قازاقستاننىڭ مەملەكەتتىلىگىنە ساي ەتۋ كوزدەلگەن.

اتالعان قۇجاتتىڭ اياسىندا 2021 -جىلى 68 ەلدى مەكەن مەن ولاردىڭ 572 قۇرامداس بولىگىنىڭ اتاۋلارى وزگەرتىلگەن.

اۆتور
ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى