ب ۇ ۇ جايلى نە بىلەمىز؟
استانا. قازاقپارات - بىرىككەن ۇلتتار ۇيىمىنىڭ جارعىسى 1945- جىلدىڭ 26 -ماۋسىمىندا قابىلدانىپ، 24 -قازاندا كۇشىنە ەندى. بىرىككەن ۇلتتار ۇيىمىنىڭ قۇرىلىمى التى باستى ورگاننان تۇرادى. ولار - باس اسسامبلەيا، قاۋىپسىزدىك كەڭەسى، ەكونوميكالىق جانە الەۋمەتتىك كەڭەس، حالىقارالىق سوت، قامقورلىق جونىندەگى كەڭەس جانە حاتشىلىق.
قىتاي، اعىلشىن، فرانسۋز، ورىس، يسپان، اراب حالىقارالىق ۇيىمنىڭ رەسمي تىلدەرى سانالادى. ب ۇ ۇ- نىڭ قۇرىلىمىندا 30 شاقتى باعدارلاما مەن دۇنيەجۇزىلىك دەنساۋلىق ساقتاۋ ۇيىمى مەن يۋنيسەف سياقتى مامانداندىرىلعان ينستيتۋتتار بار. قازاقستان بىرىككەن ۇلتتار ۇيىمىنىڭ قۇرامىنا 1992 -جىلدىڭ 2 -ناۋرىزىندا ەنەدى. سودان بەرى ەلىمىز جاھانداعى وزەكتى ماسەلەلەرگە قاتىستى ءوز ۇستانىمى بار مەملەكەت رەتىندە تانىلدى. ون جىلدان كەيىن، ياعني 2002 -جىلى ب ۇ ۇ باس حاتشىسى كوفە اننان قازاقستانعا رەسمي ساپارمەن كەلگەن. وسىلايشا، ەلىمىزدىڭ ب ۇ ۇ- مەن ىنتىماقتاستىقتىڭ بولاشاعىن ايقىنداپ كەتتى. كەلەسى جىلى ەلىمىز ب ۇ ۇ- نىڭ بىتىمگەرلىك ميسسياسىنا ۇلەس قوسۋ جونىندەگى مەموراندۋمىنا قول قويدى. سودان بەرى قازاقستان بىتىمگەرلىك وپەراتسيالارعا قاتىسىپ كەلەدى.
بيىلعى جىل قازاقستان ءۇشىن دە، ب ۇ ۇ ۇيىمى ءۇشىن دە ايرىقشا بولدى. الماتىدا تۇراقتى دامۋ ماقساتتارىنىڭ ايماقتىق حابى اشىلدى. سالتاناتتى اشىلۋ راسىمىنە باس حاتشى انتونيۋ گۋتەرريش كەلىپ قاتىستى. ايتا كەتەرلىگى، قازاقستان ۇيىمنىڭ ەڭ ءتارتىپتى جارنا تولەۋشىسى سانالادى. 190 مەملەكەتتىڭ ىشىندە 61 ەل ءوزىنىڭ قارجىلىق مىندەتىن مۇلتىكسىز ورىنداپ كەلەدى. ءبىزدىڭ ەل ۇنەمى ۇزدىك بەستىكتىڭ قاتارىنان كورىنەدى. جارنانى ۋاقىتىلى تولەمەيتىن ەلدەر ب ۇ ۇ باس حاتشالىعىنداعى داۋىس بەرۋ قۇقىعىنان ايىرىلاتىنىن وسى رەتتە ايتا كەتكەن ءجون بولار. ال ونى قايتارۋ ءۇشىن باس حاتشىلىقتىڭ ارنايى ۇكىمىن كۇتۋ قاجەت.
24.kz
