ب ا ءا شابۋىلدارىنا تىيىم سالۋىنا بايلانىستى ا ق ش اسكەري ۇشاقتارىن قاتار ەلىنە جىبەرۋدە
استانا. KAZINFORM - پەنتاگون قاتارعا بۇرىن بىرىككەن اراب امىرلىكتەرىندە ورنالاسقان جويعىش ۇشاقتاردى، قارۋلى ۇشقىشسىز باسقارىلاتىن جانە باسقا دا ۇشۋ اپپاراتتارىن تاسىمالداپ جاتىر، دەپ حابارلايدى The Wall Street Journal باسىلىمى.
ا ق ش قولباسشىلىعىنىڭ قاتارداعى ءال- ۋدەيد اۋە بازاسىنا قوسىمشا ۇشاق جىبەرۋ تۋرالى شەشىمى ب ا ءا بيلىگىنىڭ بۇدان بىلاي يەمەن مەن يراكتاعى نىساندارعا ءابۋ- دابيدەگى ءال- دافرا اۋە بازاسىندا ورنالاسقان جابدىقتى پايدالانىپ اۋە شابۋىلدار جاساۋعا رۇقسات بەرمەيتىنىن جاريالاۋىمەن بايلانىستى بولدى.
ب ا ءا- ءنىڭ اتاپ وتۋىنشە، اتالعان شارالار ءوزىن- ءوزى قورعاۋ ماقساتىندا جانە ا ق ش- تىڭ ايماقتاعى اسكەري وپەراتسيالارىن جەڭىلدەتۋ ءۇشىن يران قولدايتىن كۇشتەردىڭ نىساناسىنا اينالۋدى قالاماۋ سەبەپتەرىنە نەگىزدەلگەن.
بۇل جاعداي ۆاشينگتون مەن پارسى شىعاناعى ەلدەرىنىڭ ايماقتىق قاقتىعىسقا ۇلاسۋى مۇمكىن دەپ قورقاتىن كەيبىر ەلدەر اراسىنداعى شيەلەنىستىڭ ارتىپ كەلە جاتقانىن كورسەتىپ وتىر.
