ب ۇ ۇ باسشىسى الەمدىك ەكونوميكا ءۇشىن ساۋدا سوعىسىنىڭ قاۋىپتى ەكەنىن ەسكەرتتى

بۇل تۋرالى جۇما كۇنى ونىڭ رەسمي وكىلى ستەفان ديۋجارريك مالىمدەدى.

سارسەنبىدە ا ق ش پرەزيدەنتى دونالد ترامپ «بالامالى تاريفتەر» دەپ اتالاتىن جارلىققا قول قويىپ، 10 پايىزدىق بازالىق تاريف جانە ءبىرقاتار ساۋدا سەرىكتەسى ءۇشىن جوعارى باج سالىعىن ەنگىزدى.

گۋتەرريشتىڭ اق ءۇيدىڭ جاڭا تاريفتىك ساياساتىنا قاتىستى پىكىرى تۋرالى ساۋالعا جاۋاپ بەرگەن ديۋجارريك «ساۋدا سوعىسىندا جەڭىمپازدار جوق» ەكەنىن ايتتى. سونداي-اق، ول قازىرگى احۋالدى ەڭسەرۋ قيىنعا سوعىپ وتىرعان ەڭ وسال ەلدەر ءۇشىن اتالعان جاعداي ەڭ ۇلكەن پروبلەمالاردى تۋىنداتاتىنىن اتاپ ءوتتى.

ول جاھاندىق ساۋدا سوعىسى ب ۇ ۇ- نىڭ تۇراقتى دامۋ ماقساتتارىنا قول جەتكىزۋىنە تەرىس اسەر ەتۋى مۇمكىن ەكەنىن العا تارتتى.

جۇما كۇنى جاريالانعان يۋنكتاد (United Nations Conference on Trade and Development — رەد. ) مالىمدەمەسىندە ا ق ش تاريفتەرى وسال ەلدەرگە قاتتى اسەر ەتۋى مۇمكىن دەلىنگەن. ۇيىم الەمدىك ساۋدا جۇيەسى ينۆەستيتسيالارعا جانە دامۋداعى پروگرەسكە ءقاۋىپ توندىرەتىن قيىن كەزەڭگە ەنىپ جاتقانىن ەسكەرتتى.

ەسكە سالساق، جوعارى باج سالىعىنا ىلىنگەن قىتايدىڭ ساۋدا مينيسترلىگى بۇل شەشىمگە قاتاڭ قارسىلىق ءبىلدىرىپ، ءوز مۇددەسىن قورعاۋ ءۇشىن قاجەتتى قارىمتا شارالار قابىلدايتىنىن مالىمدەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى