ب ۇ ۇ باس حاتشىسىنىڭ ورتالىق ازياعا ساپارى 29-ماۋسىمدا باستالادى
استانا. KAZINFORM — ب ۇ ۇ باس حاتشىسى انتونيۋ گۋتەرريش ورتالىق ازياعا ساپارى اياسىندا قازاقستانعا رەسمي ساپارمەن كەلەدى.
سەنبى، 29-ماۋسىم كۇنى ب ۇ ۇ باس حاتشىسى ورتالىق ازياعا ساپارىن باستايدى، ونىڭ العاشقى ايالداماسى وزبەكستاننىڭ تاشكەنت قالاسى بولادى. ارى قاراي قىرعىزستان، قازاقستان، تاجىكستان جانە تۇركىمەنستانعا جول تارتادى.
«3-4-شىلدە كۇندەرى الماتى مەن استانادا بولىپ، قازاقستان پرەزيدەنتى قاسىم-جومارت توقايەۆپەن، باسقا دا جوعارى لاۋازىمدى تۇلعالارمەن جانە بۇۇ قىزمەتكەرلەرىمەن كەزدەسۋلەر وتكىزەدى. باس حاتشى 4-شىلدەدە استانادا وتەتىن شانحاي ىنتىماقتاستىق ۇيىمىنىڭ سامميتىنە شاقىرىلدى. ول «ش ى ۇ پليۋس» سەسسياسىندا ءسوز سويلەيدى»، - دەپ حابارلادى ب ۇ ۇ كەڭسەسى.
بۇل باس حاتشىنىڭ قازاقستانعا ەكىنشى رەسمي ساپارى. العاشقى رەسمي ساپار 2017-جىلى بولدى.
سونداي-اق ونىڭ بۇگىنگى تەرەڭ جاھاندىق كەلىسپەۋشىلىكتەر كليماتتىڭ وزگەرۋى مەن سيفرلىق تەحنولوگيالاردان تۋىندايتىن ەكى ۇلكەن قاۋىپ-قاتەردى شەشۋ ءۇشىن ەلدەردىڭ بىرىگۋىنە كەدەرگى كەلتىرەتىنىن ايتادى دەپ جوسپارلانعان.
- قازاقستاننىڭ ب ۇ ۇ قاعيداتتارى مەن ماقساتتارىنا دەگەن ادالدىعىن كورسەتەتىن ەكىنشى رەسمي ساپارى كەزىندە بۇۇ باس حاتشىسىن قازاقستاندا قارسى الۋ ءبىز ءۇشىن ۇلكەن مارتەبە. تاۋەلسىزدىك العان ساتتەن باستاپ قازاقستاننىڭ بۇۇ- مەن بەلسەندى ءوزارا ءىس-قيمىلى ونىڭ جاھاندىق بەيبىتشىلىككە، قاۋىپسىزدىككە جانە ورنىقتى دامۋعا بەيىلدىلىگىن كورسەتەدى. قازاقستان كوپجاقتى كوزقاراستىڭ سەنىمدى جاقتاۋشىسى بولىپ تابىلادى جانە ب ۇ ۇ - مەن ارىپتەستىگىن تەرەڭ باعالايدى، - دەپ اتاپ ءوتتى ب ۇ ۇ- نىڭ قازاقستانداعى تۇراقتى ۇيلەستىرۋشىسى ميكاەلا فريبەرگ-ستوري.
ب ۇ ۇ باستامالارى ءبىلىم بەرۋ مەن دەنساۋلىق ساقتاۋ سالاسىنا قولجەتىمدىلىكتى كەڭەيتۋدەن باستاپ گەندەرلىك تەڭدىكتى ىلگەرىلەتۋگە، ەكونوميكالىق مۇمكىندىكتەر مەن ادام قۇقىقتارىن كەڭەيتۋگە دەيىنگى ماسەلەلەردىڭ كەڭ اۋقىمىن قامتيدى- بارلىعى ينكليۋزيۆتى قوعام قۇرۋعا باعىتتالعان. 2023-جىلى ب ۇ ۇ- نىڭ قازاقستانعا سەرىكتەستەرمەن بىرلەسكەن قولداۋى 33,3 ميلليون ا ق ش دوللارىن قۇرادى.
