ب ۇ ۇ باس حاتشىسى يزرايلدىڭ سيرياعا جاساعان اۋە سوققىلارىنا الاڭداۋلى
استانا. KAZINFORM - ب ۇ ۇ باس حاتشىسى انتونيۋ گۋتەرريش سيريانىڭ ەگەمەندىگى مەن اۋماقتىق تۇتاستىعىنىڭ سوڭعى ۋاقىتتاعى كەڭ كولەمدى بۇزىلۋىنا «تەرەڭ الاڭداۋشىلىق» ءبىلدىرىپ، ەلدەگى بارلىق تاراپتاردى زورلىق-زومبىلىقتى باسەڭدەتۋگە شاقىردى. بۇل تۋرالى بەيسەنبى كۇنى كۇندەلىكتى بريفينگتە ونىڭ رەسمي وكىلى ستەفان ديۋجارريك مالىمدەدى، دەپ حابارلايدى شينحۋا اقپارات اگەنتتىگى.
انتونيۋ گۋتەرريش شيەلەنىستى باسەڭدەتۋگە شاقىردى.
- باس حاتشى ءيزرايلدىڭ سيرياداعى بىرنەشە ايماققا جاساعان جۇزدەگەن اۋە سوققىلارىنا ەرەكشە الاڭداۋشىلىق ءبىلدىرىپ، ەلدەگى بارلىق مايدانداردا زورلىق-زومبىلىقتى باسەڭدەتۋدىڭ اسا قاجەت ەكەنىن اتاپ وتەدى، - دەدى ول.
انتونيۋ گۋتەرريش 1974 -جىلعى كۇشتەردى اجىراتۋ تۋرالى كەلىسىمنىڭ ءالى دە كۇشىندە ەكەنىن ەسكە سالىپ، وسى قۇجاتقا سايكەس كەلمەيتىن بارلىق ارەكەتتەردى ايىپتادى. ول كەلىسىم تاراپتارىن ءوز مىندەتتەمەلەرىن ورىنداۋعا، سونىڭ ىشىندە اجىراتۋ ايماعىنداعى زاڭسىز قاتىسۋدى تولىق توقتاتۋعا جانە اتىستى توقتاتۋ رەجيمى مەن گولان جوتالارىنداعى تۇراقتىلىقتى بۇزاتىن كەز كەلگەن ارەكەتتەردەن باس تارتۋعا شاقىردى.
ستەفان ديۋجارريكتىڭ ايتۋىنشا، باس حاتشى جىلدام وزگەرىستەر كەزەڭىندە قوعامدىق ءتارتىپتى ساقتاپ، سيريادا سەنىمدى، رەتتەلگەن جانە ينكليۋزيۆتى وتپەلى تەتىكتەردى قولداۋ قاجەتتىگىن اتاپ ءوتتى.
زارينا تۋعانبايەۆا
