ب ا ءا مەن سيريا پرەزيدەنتتەرى ەكىجاقتى بايلانىستى نىعايتۋ ماسەلەسىن تالقىلادى
استانا. KAZINFORM - سيريا باسشىسى ەلدى قالپىنا كەلتىرۋ جانە ەكىجاقتى ىنتىماقتاستىقتى نىعايتۋ ماسەلەسىندە امىرلىك باسشىسىنىڭ قولداۋىنا يە بولدى، دەپ حابارلايدى Kazinform ءتىلشىسى.
سيريا پرەزيدەنتى احمەد اش-شاراا جەكسەنبى كۇنى ءابۋ-دابيگە جۇمىس ساپارى اياسىندا بىرىككەن اراب امىرلىكتەرىنىڭ پرەزيدەنتى مۇحاممەد بين زەيد ءال-ناحايانمەن كەزدەستى. بۇل تۋرالى سيريا باسشىسىنىڭ كەڭسەسى حابارلادى.
اش-شاراانىڭ بۇل ساپارى ونىڭ ب ا ءا پرەزيدەنتى قىزمەتىنە كىرىسكەننەن بەرگى العاشقى رەسمي ساپارى بولدى.
ەكى ەل باسشىلارى ءوزارا قىزىعۋشىلىق تۋدىراتىن ءبىرقاتار ماسەلەنى تالقىلاپ، ايماقتىق جانە حالىقارالىق وقيعالار تۋرالى پىكىر الماستى، سونداي-اق سيرياداعى سوڭعى وقيعالارعا شولۋ جاسادى.
ساپاردا اش-شاراامەن بىرگە بولعان سيريانىڭ سىرتقى ىستەر ءمينيسترى اساد اش-شايباني دەلەگاتسيانىڭ ب ا ءا- گە كەلگەن فوتوسىن جاريالادى.
- ءبىز ەكى حالىقتىڭ مۇددەسى ءۇشىن باۋىرلارىمىزبەن بايلانىس پەن ىنتىماقتاستىقتى نىعايتۋعا تىرىسامىز، - دەپ جازدى ول X الەۋمەتتىك جەلىسىندە.
امىرلىكتەر پرەزيدەنتى ب ا ءا- ءنىڭ سيريانى قالپىنا كەلتىرۋ، سيريانىڭ بىرلىگىن، ەگەمەندىگى مەن اۋماقتىق تۇتاستىعىن ساقتاۋ ماسەلەسىندە قولدايتىنىن ءبىلدىردى، دەپ حابارلايدى WAM اقپارات اگەنتتىگى.
ول سيريانىڭ تۇراقتىلىعى مەن قاۋىپسىزدىگى بۇكىل ايماق ءۇشىن ماڭىزدى ەكەنىن اتاپ ءوتتى جانە ب ا ءا الداعى كەزەڭدە سيريا مەن ونىڭ حالقىنا جان-جاقتى قولداۋ كورسەتۋگە دايىن ەكەنىن قايتالادى.
سيريا سىرتقى ىستەر ءمينيسترى ەكى جاقتىڭ اسىرەسە ينۆەستيتسيا، اۋە قاتىناسىن قالپىنا كەلتىرۋ جانە بارلىق سالادا ەكىجاقتى قارىم- قاتىناستاردى نىعايتۋ سالالارىندا ۇلكەن جەتىستىككە جەتكەنىن ايتتى.
بۇل اش-شاراانىڭ قاڭتاردا قىزمەتىنە كىرىسكەننەن بەرى پارسى شىعاناعى ەلدەرىنە جاساعان ەكىنشى ديپلوماتيالىق ساپارى. اقپان ايىندا ساۋد ارابياسىنا رەسمي ساپارمەن باردى.
سيريانىڭ جاڭا باسشىلىعى كوتەرىلىسشىلەر توبى حايات تاحرير اش-شام (ح ت ش قازاقستاندا تىيىم سالىنعان ۇيىم - رەد.) 2024 -جىلى جەلتوقساندا اساد رەجيمىن قۇلاتقاننان كەيىن اراب جانە باتىس جەتەكشىلەرىمەن قارىم-قاتىناستى نىعايتۋعا ۇمتىلدى.
وڭتۇستىك كورەيا مەن سيريا بۇرىن ديپلوماتيالىق قارىم-قاتىناس ورناتقان.
سيرياداعى قازاقستاندىق بىتىمگەرشىلىك كۇشتەرى اساد قاشقان سوڭ ب ۇ ۇ قىزمەتكەرلەرىن ەۆاكۋاتسيالادى. سيريادان قازاقستاندىق بىتىمگەرلەردىڭ العاشقى وتريادى ورالدى.
وتكەن اپتادا ازەربايجان پرەزيدەنتى يلحام اليەۆ سيريانى قالپىنا كەلتىرۋگە قاتىسۋعا دايىن ەكەنىن مالىمدەدى.
