ازيادا-2025: قازاقستان قورجىنىنا ەكىنشى التىن مەدال ءتۇستى
يابۋلي. KAZINFORM - قازاقستاندىق سپورتشىلار Ⅸ قىسقى ازيا ويىندارىنىڭ فريستايل-اكروباتيكا سىنىندا ۇزدىك ناتيجە تىركەپ، جەڭىس تۇعىرىنا كوتەرىلدى.
وتانداستارىمىز شەرزود حاشيربايەۆ جانە رومان يۆانوۆ فريستايل-اكروباتيكادان ەرلەر اراسىندا سينحروندى سەكىرۋ سىنىندا 97.92 ۇپاي جيناپ، التىن مەدال ەنشىلەدى.
قىتايلىق سپورتشىلار كۇمىس جانە قولا مەدالدى ءوزارا ءبولىستى.
تاعى ءبىر قازاقستاندىق جۇپ دىنمۇحاممەد رايىمقۇلوۆ جانە اسىلحان اسان 83.96 ۇپاي ەنشىلەپ، ءتورتىنشى ورىنان كورىندى.
ايتا كەتەرلىگى، بۇل - قازاقستان دەلەگاتسياسىنىڭ حاربين قىسقى ازيا ويىندارىنداعى ەكىنشى التىن مەدالى.
بۇعان دەيىن اردانا ماحانوۆا جانە ايانا جولداس فريستايل-اكروباتيكادان ايەلدەر اراسىندا سينحروندى سەكىرۋ سىنىندا قولا جۇلدە جەڭىپ العان ەدى.
كەشە قازاقستاندىق سپورتشىلار ارالاس كوماندالار اراسىنداعى سايىستا كۇمىس جۇلدە ەنشىلەدى.
اۆتور
مۇحتار قاليموللا ۇلى
