ازيادا-2025: قازاقستان قۇراماسى قورجىنىنا العاشقى مەدال ءتۇستى

شورت-ترەكتەن 2000 مەترگە سىرعاناۋدان ارالاس كوماندالىق ەستافەتا قاتىسۋشىلارى حاربين قىسقى ازيا ويىندارىنىڭ العاشقى جۇلدەگەرلەرى اتاندى.

فينالدا كورەيا، قىتاي، جاپونيا جانە قازاقستان قۇراماسى ونەر كورسەتتى. قازاقستان قۇراماسى ساپىندا دەنيس نيكيشا، ءادىل عالياحمەتوۆ، يانا حان جانە ماليكا ەرمەك الاڭعا شىقتى.

جارىس كەزىندە وتانداستارىمىز شەبەرلىك بايقاتىپ، ءۇشىنشى ورىندى ساقتادى. الايدا، سوڭعى ساتتە كوش باسىنداعى قىتاي سپورتشىسى جارىس جولىنان شىعىپ قالىپ، كورەيا كومانداسى چەمپيون اتاندى. ال قازاقستان قۇراماسى مارەگە ەكىنشى بولىپ جەتتى.

قورتىندى ناتيجە:

1. كورەيا (2 مينۋت 41.534 سەكۋند)

2. قازاقستان (2 مينۋت 42.258 سەكۋند)

3. جاپونيا (2 مينۋت 44.058 سەكۋند)

4. قىتاي (2 مينۋت 59.057 سەكۋند)

سونداي-اق، قازاقستاندىق شورت-ترەكشىلەر بۇگىن ەرلەر مەن ايەلدەر اراسىنداعى 500 مەتر، 1000 مەتر جانە 1500 مەترگە سىرعاناۋدان ونەر كورسەتەدى.

ەسكە سالساق، كەشە وتانداستارىمىز ەرلەر جانە ايەلدەر اراسىنداعى 1500 مەتر، 500 مەتر جانە 1000 مەترگە سىرعاناۋدان كەلەسى كەزەڭگە ءساتتى وتكەن بولاتىن.

مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى