ازيادا-2025: كەرلينگتەن قازاقستاندىق جۇپ جارىس جولىنان شىعىپ قالدى

ۆ توبىنىڭ سوڭعى ماتچىندا قازاقستاندىقتار فيليپپينگە قارسى وينادى.

العاشقى ءتورت كەزەڭدە، وتانداستارىمىز قارسىلاستارىنان 8:0 ەسەبىمەن ارتتا قالدى. ۇزىلىستەن كەيىن، وتانداستارىمىز جارىس جاعدايىن وزگەرتە العان جوق. قورتىندى ەسەپ - 11:2.

وسىلايشا، ۆ توبىندا قىتاي قۇراماسى 5 ماتچتىڭ بارلىعىندا جەڭىسكە جەتتى. ال فيليپپين قۇراماسى ەكىنشى ورىنمەن، كورەيا قۇراماسى ءۇشىنشى ورىنمەن كەلەسى كەزەڭگە ءوتتى.

سونداي-اق ا توبىندا جاپونيا، گونكونگ جانە تايبەي كومانداسى كەلەسى كەزەڭگە جولداما الدى.

ەندى قازاقستان قۇراماسى 8-اقپاننان باستاپ كوماندالىق توپتىق كەزەڭدە ونەر كورسەتەدى.

قازاقستان قۇراماسىنىڭ سپورتشىلارى:

ايەلدەر: انگەلينا ەباۋەر، تيلسيماي اللياروۆا، ەكاتەرينا كولىحالوۆا، مەرەي تاستەمىر، رەگينا ەباۋەر.

ەرلەر: ابىلايحان ءجۇزباي، ايدوس الليار، ءادىل جۇماعوجا، ەرمەك مۇساينوۆ، ارمان ەرجانوۆ.

ەسكە سالا كەتەيىك، وسىعان دەيىن قازاقستان قۇراماسى ارالاس جۇپ باسەكەسىندە 5:11 ەسەبىمەن قىتايعا، 0:12 ەسەبىمەن كورەياعا جول بەرىپ، 7:4 ەسەبىمەن قاتاردى جانە 12:5 ەسەبىمەن قىرعىزستاندى جەڭگەن بولاتىن.

اۆتور مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى