ازيادا-2025: كەرلينگتەن قازاقستان قىزدار قۇراماسى جارتىلاي فينالعا جولداما الدى
حاربين. KAZINFORM - كەرلينگتەن قازاقستان قىزدار قۇراماسى قىتايدا ءوتىپ جاتقان Ⅸ قىسقى ازيادا ويىندارىندا كەزەكتى جەڭىسىنە قول جەتكىزدى.
قىزدارىمىز توپتىق كەزەڭنىڭ سوڭعى ماتچىندا قىتايلىق گونكونگ قۇراماسىمەن شەبەرلىك بايقاستى. ەل قۇراماسى ساپىندا انگەلينا ەباۋەر، تيلسيماي اللياروۆا، ەكاتەرينا كولىحالوۆا جانە مەرەي تاستەمىر جارىس جولىنا شىقتى.
قازاقستان قۇراماسى ءۇشىنشى كەزەڭدە ەسەپ اشتى. وسىدان كەيىن قىزدارىمىز 2:3 ەسەبىمەن ارتتا قالىپ تۇرعان جاعدايدا ەكى كەزەڭدى قاتارىنان جەڭىپ، قارسىلاستان اسىپ كەتتى.
سوڭعى كەزەڭدە دە ەل قۇراماسى قارسىلاستارىنا مۇمكىندىك بەرگەن جوق. قورتىندى ەسەپ 6:3.
ايتا كەتەيىك، قازاقستان قىزدار قۇراماسى توپتىق كەزەڭدە 7 ماتچ وتكىزىپ، سونىڭ 5 ەۋىندە جەڭىسكە جەتتى.
وسىعان دەيىن، قىزدارىمىز جاپونيالىقتارعا 4:10 ەسەبىمەن جول بەرسە، تايبەي قۇراماسىن 14:0 ەسەبىمەن ويسىراتا جەڭدى.
جارىس قوجايىنى قىتاي قۇراماسىمەن ويىندا قازاقستان قۇراماسى 4:11 ەسەبىمەن جەڭىلىس تاپتى. الايدا، فيليپپين قۇراماسىمەن تارتىستى ويىن وتكىزىپ، سوڭعى كەزەڭدە جەڭىستى جۇلىپ الدى.
