ازيادا-2025: كەرلينگتەن قازاقستان قىزدار قۇراماسى ءتورتىنشى جەڭىسىنە قول جەتكىزدى
حاربين. KAZINFORM - كەرلينگتەن قازاقستان قىزدار قۇراماسى Ⅸ قىسقى ازيا ويىندارىندا ءتورتىنشى رەت جەڭىسكە جەتتى.
توپتىق كەزەڭدە تايلاند قۇراماسىنا قارسى ويىندا، قازاقستاندىق قىزدار قارسىلاستارىنا تەك ءبىر ۇپاي الۋىنا مۇمكىندىك بەردى. قورىتىندى ەسەپ، 9:1.
ايتا كەتەيىك، بۇل قازاقستان قىزدار قۇراماسىنىڭ توپتىق كەزەڭدەگى التىنشى ماتچى جانە ءتورتىنشى جەڭىسى. وسىعان دەيىن، قىزدارىمىز جاپوندىقتارعا 4:10 ەسەبىمەن جول بەرسە، تايبەي قۇراماسىن 14:0 ەسەبىمەن ويسىراتا جەڭدى.
جارىس قوجايىنى قىتاي قۇراماسىمەن ويىندا، قازاقستان قۇراماسى 4:11 ەسەبىمەن جەڭىلىس تاپتى. الايدا، فيليپپين قۇراماسىمەن تارتىستى ويىن وتكىزىپ، سوڭعى كەزەڭدە جەڭىستى جۇلىپ الدى.
كەشە قازاقستان قىزدار قۇراماسى قاتاردى ءىرى ەسەپپەن جەڭدى.
سونداي-اق، وتانداستارىمىز بۇگىن تاڭەرتەڭ كورەيا قۇراماسىمەن كەزدەسىپ، 2:8 ەسەبىمەن جول بەردى.
