ازيادا-2025: كەرلينگتەن قازاقستان ايەلدەر قۇراماسى ەكىنشى جەڭىسىنە قول جەتكىزدى

قازاقستاندىق قىزدار توپتىق كەزەڭنىڭ 8-سەسسياسىندا فيليپپين قۇراماسىمەن شەبەرلىك بايقاستى. كوماندا ساپىندا تىلسىماي اللياروۆا، مەرەي تاستەمىر، انگەلينا ەباۋەر، ەكاتەرينا كولىحالوۆا جانە رەگينا ەباۋەر جارىس جولىنا شىقتى.

العاشقى كەزەڭدە فيليپپيندىكتەر ءبىر ۇپاي ەنشىلەپ كەتتى. ال ەكىنشى كەزەڭدە قىزدارىمىز جاقسى ويىن كورسەتىپ، 2 ۇپاي الدى.

ءۇشىنشى كەزەڭدە قارسىلاس ەسەپتى تەڭەستىرگەنىمەن، وتانداستارىمىز قاتارىنان ەكى كەزەڭ جەڭىپ، ەسەپتى 4:2 گە جەتكىزدى. الايدا، فيليپپيندىك قىزدار قاتارىنان ەكى كەزەڭدە ۇپاي الىپ، ەسەپتى تەڭستىردى.

شەشۋشى كەزەڭدە قىزدارىمىز قارسىلاسقا مۇمكىندىك بەرمەي، جەڭىستى جۇلىپ الدى. قورتىندى ەسەپ 5:4.

ايتا كەتەيىك، بۇل - قازاقستان قىزدار قۇراماسىنىڭ توپتىق كەزەڭدەگى ءتورتىنشى ماتچى جانە ەكىنشى جەڭىسى. وسىعان دەيىن قىزدارىمىز جاپوندىقتارعا 4:10 ەسەبىمەن جول بەرسە، تايبەي قۇراماسىن 14:0 ەسەبىمەن ويسىراتا جەڭدى.

كەشە جارىس قوجايىنى قىتاي قۇراماسىمەن ويىندا قازاقستان قۇراماسى 4:11 ەسەبىمەن جەڭىلىپ قالعان بولاتىن.

اۆتور

مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى