ازيادا-2025: حوككەيدەن قازاقستان ەرلەر قۇراماسى قىتايلىق تايبەيدى قاپى قالدىردى

توپتىق كەزەڭنىڭ ءۇشىنشى ماتچىندا، ا توبىندا سىنعا ءتۇسىپ جاتقان قازاقستاندىقتار قىتايلىق تايبەيمەن كەزدەستى.

العاشقى ەكى كەزەڭدە، وتانداستارىمىز قارسىلاس قاقپاسىنا 5 شايبادان سوقتى.

ال ءۇشىنشى كەزەڭدە قازاقستان قۇراماسى تايبەيلىكتەرگە مۇمكىندىك بەرمەي، 7 شايبا سوقتى. قورتىندى ەسەپ 17:0.

ويىن بارىسىندا كيريلل پانيۋكوۆ جالعىز ءوزى 4 شايبا، ال اليحان ومىربەكوۆ پەن رۋسلان وسپانوۆ 2 شايبادان سوقتى. سونداي-اق، ارتەم ليحوتنيكوۆ، اندرەي بۋيالسكي، ەۆگەني رىماريەۆ، كيريلل ساۆيتسكي، ارتەم كوروليەۆ، سامات دانيار، دميتري گرەنتس، الەكساندر بوريسيەۆيچ جانە دەنيس چاپوروۆ مەرگەندىگىمەن كوزگە ءتۇستى.

وسىلايشا، قازاقستان ەرلەر قۇراماسى توپتىق كەزەڭدە ءۇش ويىندا قاتارىنان جەڭىسكە جەتىپ، ا توبىندا كوش باستاپ تۇر.

ەسكە سالا كەتسەك، قازاقستان قۇراماسى توپتىق كەزەڭدەگى العاشقى ويىندا تايلاندتى 12:0 ەسەبىمەن جەڭسە، ەكىنشى ماتچىندا جارىس قوجايىنى قىتايدى 6:1 ەسەبىمەن تىزە بۇكتىردى.

اۆتور مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى