ازيادا-2025: حوككەيدەن قازاقستان ەرلەر قۇراماسى فينالعا جولداما الدى
حاربين. KAZINFORM - حوككەيدەن قازاقستان ەرلەر قۇراماسى قىتايدا ءوتىپ جاتقان Ⅸ قىسقى ازيادا ويىندارىنىڭ فينالىنا جولداما الدى.
جارتىلاي فينالدىق ويىندا ەل قۇراماسى جارىس قوجايىنى قىتايدان 3:1 ەسەبىمەن باسىم ءتۇستى.
ەكىنشى كەزەڭدە رومان ستارچەنكو قارسىلاس قورعانىسىن بۇزىپ-جارىپ، ءبىرىنشى بولىپ ەسەپ اشتى. اراعا ءۇش مينۋت سالىپ دميتري گرەنتس ەكىنشى شايبانى قاقپا تورىندا تۋلاتتى.
سوڭعى شەشۋشى كەزەڭدە قىتاي قۇراماسى ەسەپ ايىرماسىن قىسقارتقان. الايدا دميتري برەۋس سوڭعى مينۋتتا تاعى ءبىر شايبا سوعىپ كەتتى. قورتىندى ەسەپ - 3:1.
ەسكە سالا كەتەيىك، بۇعان دەيىن قازاقستان ۇلتتىق قۇراماسى توتىق كەزەڭدە قىتايدى 6:0 ەسەبىمەن جەڭگەن ەدى.
