ازيادا-2025: بياتلوننان قازاقستان ەرلەر قۇراماسى كۇمىس مەدال جەڭىپ الدى
يابۋلي. KAZINFORM - قىتايدىڭ حاربين قالاسىندا ءوتىپ جاتقان Ⅸ قىسقى ازيا ويىندارىنىڭ ەرلەر اراسىندا بياتلوننان جارىستار مارەسىنە جەتتى.
ەرلەر اراسىندا 7.5 شاقىرىمعا سىرعاناۋدان كوماندالىق ەستافەتادا الەكساندر مۋحين، اسەت دۇيسەنوۆ، كيريلل باۋەر جانە ۆلاديسلاۆ كيرەيەۆ ەل قۇراماسى ساپىندا سىنعا ءتۇستى.
جارىس قورتىندىسىندا جىگىتتەر 1 ساعات 25 مينۋت 18.7 سەكۋند ناتيجە كورسەتىپ، مارە سىزىعىن ەكىنشى بولىپ كەستى.
جاپونيا قۇراماسى بىزدەن ءبىر مينۋت بۇرىن كەلىپ، چەمپيون بولدى. ال قىتاي قۇراماسى قازاقستاندىقتاردان 14 سەكۋندقا كەشىگىپ، قولا مەدالدى ەنشىلەدى.
ايتا كەتەرلىگى، بۇل - قازاقستان دەلەگاتسياسىنىڭ حاربين قىسقى ازيا ويىندارىنداعى سەگىزىنشى كۇمىس جۇلدەسى.
وسىعان دەيىن بياتلوننان قازاقستاندىق قىزدار كوماندالىق ەستافەتادا قولا مەدال ەنشىلەگەن بولاتىن.
