ازيا ويىندارىندا پاريج وليمپياداسىنىڭ ەكىنشى ليتسەنزياسى قورجىنعا ءتۇستى
ساناۋلى ساتتەر بۇرىن حاڭجوۋدا ءوتىپ جاتقان ⅩⅨ جازعى ازيا ويىندارىندا بەسسايىستان سىنعا تۇسكەن گەورگي بورودا- دۋدوچكين پاريج وليمپياداسىنىڭ جولداماسىن يەلەندى، دەپ حابارلايدى قازاقپارات سپورتتى دامىتۋ ديرەكتسياسىنىڭ باسپا ءسوز قىزمەتىنە سىلتەپ.
ۇلتتىق قۇراما اتلەتى فينالدا 10-ورىنعا تۇراقتادى. ەرەجە بويىنشا ۇزدىك بەستىككە كىرگەن مەملەكەت جولداماعا يەلىك ەتەدى. گەورگي 10-شى بولعانىمەن ول جاپونيا، وڭتۇستىك كورەيا مەن قىتايدىڭ بىرنەشە سپورتشىسىنا ەسە جىبەردى. بۇل ەلدەن تەك ءبىر عانا ادام ليتسەنزيا الدى. تاعى قازاقستان مەن تايلاند اتلەتىنە ءبىر-ءبىر جولداما بەرىلدى.
قالعان قازاقستاندىق سپورتشىلاردىڭ ناتيجەسى: كيريلل ستادنيك 13-ورىن، پاۆەل لياشەنكو 16-ورىن، تەمىرلان ابدرايموۆ 17-ورىن. جالپى ەسەپتە قازاقستان قۇراماسى 4-ساتىدا.
